«Aqıqatynda Konor ekeýmizdiń shaıqasymyz aralas jekpe-jek álemindegi eń úlken kezdesý bolǵany daýsyz. Ondaı jekpe-jekti mańaılaıtyn kesh buryn-sońdy bolǵan emes. Tipti kásipqoı boks erejesi boıynsha ótken Meıvezer-Makgregor shaıqasy da bizdiń kezdesýdi mańaılaı almady. Kóp jankúıerler atalmysh shaıqastyń qaı raýndta toqtatylǵanyn da umytyp qaldy. О́ıtkeni ol kúni jekpe-jek bolǵan joq. Bar bolǵany Meıvezer úshin sparrıng deńgeıindegi kezdesýge aınaldy. Makgregordyń boksshy emes ekenin bárimiz bilemiz. Mundaı shaıqastardy feık dep ataýǵa bolady. Kelisilgen kezdesý ekeni de ras.
Iá, men atalmysh jekpe-jekti kelisilgen kezdesý dep aıtamyn. Bul – meniń pikirim. Al Konor ekeýmizdiń jekpe-jegimiz shyn mánindegi urys bolǵany aqıqat. Bizde shaıqasqa deıin de, keıin de bári shynaıy boldy», dedi ol óz oıyn túıindep.
