Parlamentte ishki ister organdary zańyna ózgerister engizý máselesi qaraldy

Búgin, 20 naýryz kúni   Senat Tóraǵasy Qasym-Jomart Toqaevtyń jetekshiligimen palatanyń jalpy otyrysy bolyp ótti. Osy joly depýtattar nazaryna eń tómengi jalaqy, jalaqyny qorǵaý, azamattyq qorǵaý jáne ishki ister organdarynyń qyzmeti máseleleri boıynsha zańnamalarǵa ózgerister engizý qaraldy. Bul týraly Egemen.kz habarlady. Qazaqstan men Vetnam arasyndaǵy azamattyq ister boıynsha ózara quqyqtyq kómek týraly kelisimdi ratıfıkasııalaý,  «Eń tómengi jalaqyny belgileý rásimin jasaý týraly konvensııany (26-konvensııa) ratıfıkasııalaý týraly» jáne  «Jalaqyny qorǵaý týraly konvensııany (95-konvensııa) ratıfıkasııalaý týraly» zań jobalary biraýyzdan qabyldandy. Senatorlar eńbekaqynyń ádildik prınsıpine negizdelýi turǵysyndaǵy oılaryn da aıtpaı qalmady. Sondaı-aq «Azamattyq qorǵaý týraly» jáne oǵan ilespe zańdy qujat ta (ekinshi oqylym) depýtattar qoldaýyna ıe boldy. Kún tártibiniń sońǵy máselesi Ishki ister organdarynyń qyzmeti máseleleri boıynsha keıbir zańnamalyq aktilerge ózgerister men tolyqtyrýlar engizý týraly zań jobasy ekinshi oqylymda birqatar túzetýlerimen Májiliske qaıtaryldy. Asqar Turapbaıuly. Derekkóz: Egemen.kz. Foto: Newskaz.ru.