Qalanyń bas sanıtarııa dárigeri elordadaǵy epıdemıologııalyq jaǵdaı áli de shıelenisip turǵanyn jáne qala «qyzyl» aımaqta ekenin aıtty.
«Qalada omıkron anyqtalǵan sátten bastap, ıaǵnı qańtardyń basynan 7 aqpanǵa deıin barlyǵy 83 067 jaǵdaı tirkeldi. Bul - pandemııa kezindegi joǵary aılyq kórsetkish. Bul rette naýqastardy stasıonarlarǵa jatqyzý aıtarlyqtaı qalypty boldy. Eń aldymen, vaksına saldyrǵan turǵyndar men aýrýǵa shaldyqqandarǵa, ıaǵnı ımmýnıteti bar adamdar kóp bolýyna baılanysty. Qazir olar budan ońaı ótip jatyr», dedi Sarhat Beısenova.
Bas sanıtarııa dárigeri omıkron shtamynyń basty ereksheligi vırýs kóp taralyp jatqanyn eske saldy.
«Táýligine 366 jaǵdaı tirkeldi, onyń ishinde 270 jaǵdaı sımptommen, 96-y sımptomsyz. Keıingi aptada 4 409 COVID-19 jaǵdaıy tirkeldi. Aldyńǵy aptamen salystyrǵanda (13 627 jaǵdaı) 3 ese azaıdy. KVI-men aýyrǵandardy barynsha anyqtaý maqsatynda qalada 24 zerthana jumys isteıdi, onda táýligine 11 myńnan asa PTR zertteýler júrgiziledi. Bıyl jyl basynan beri 282 114 zertteý, oń 83 351, onyń ishinde qaıtalama taldaý da júrgizildi», dedi Beısenova.
Elordanyń sanıtarlyq-epıdemıologııalyq baqylaý departamenti ókili betperde rejımin qatań saqtaý kerek ekenin aıtty.
