Bankterdiń bergen nesıesi qańtar aıynyń qorytyndysy boıynsha sońǵy bir aıda 3,7%, al byltyrǵy qańtardan bergi bir jylda 26,5% kóbeıip, 18 497,7 mlrd teńgeni qurady.
«Sonyń ishinde zańdy tulǵalarǵa kredıtter kólemi bir aıda 7 758,8 mlrd teńgege deıin 3,5%-ǵa, jeke tulǵalarǵa 10 738,8 mlrd teńgege deıin 3,8%-ǵa ulǵaıdy», dep habarlaıdy Ulttyq bank.
Ulttyq valıýtadaǵy kredıtter kólemi bir aıda 16 588,2 mlrd teńgege deıin 3,8%-ǵa ulǵaıdy. Olardyń qurylymynda zańdy tulǵalarǵa kredıtter 3,8%-ǵa, jeke tulǵalarǵa kredıtter 3,9%-ǵa ósti. Shetel valıýtasyndaǵy kredıtter kólemi 1 909,5 mlrd teńgege deıin 2,6%-ǵa ulǵaıdy. Olardyń qurylymynda zańdy tulǵalarǵa kredıtter 2,6%-ǵa ósti, jeke tulǵalarǵa kredıtter – 0,9%-ǵa tómendedi. 2021 jylǵy jeltoqsannyń sońynda teńgemen kredıtterdiń úles salmaǵy 89,7% boldy.
Uzaq merzimdi kredıtter kólemi bir aıda 16 030,5 mlrd teńgege deıin 3,9%-ǵa, qysqa merzimdi kredıtter kólemi – 2 467,2 mlrd teńgege deıin 2,7%-ǵa ulǵaıdy.
2021 jylǵy jeltoqsanda banktik emes zańdy tulǵalarǵa ulttyq valıýtamen berilgen kredıtter boıynsha ortasha alynǵan syıaqy mólsherlemesi 12,2% qurady.
