Vashıngton shtatynda kóshkinnen 18 adam joq bolyp ketti

Naýryzdyń 23-i kúni Amerıkanyń Vashıngton shtatynda oryn alǵan topyraq kóshkinnen 18 adam joq bolyp, habarsyz ketti. Bul týraly ITAR-TASS habarlady. KTLE telearnasynyń málimetinshe, osy topalań tusynda taǵy 3 adam qaza taýyp, 8 adam jaraqattarymen aýrýhanaǵa túsken. Vashıngton bıligi 3 adamnyń qaza taýyp, 8 adamnyń aýrýhanaǵa jetkizilgenin rastady. Seldetip jaýǵan jaýynnyń saldarynan oryn alǵan topyraq kóshkini nátıjesinde Darrıngton qalasyna baratyn tas jol jabylyp qalǵan. Sazdy balshyq pen qulaǵan aǵashtardyń alyp jatqan aýmaǵy 1,6 shaqyrymǵa deıin barady. Keı jerlerdiń tereńdigi 10 metrge deıin jetedi. Tas joldyń boıyndaǵy 28 turǵyn úı qıraýǵa ushyraǵan. Shtat bıligi endi qaýpi tónip jatqan sý tasqynyna baılanysty turǵyndardy shuǵyl basqa jaqtarǵa kóshire bastady. Kóshkinnen aman qalǵan adamdardy joǵarydan tikushaqpen izdestirý jalǵasyp jatyr. Murat Aıtqoja. Derekkóz:ITAR-TASS. Foto: ITAR-TASS: