Foto: E. Úkibaev
Aldaǵy Senat otyrysynda depýtattar «2014 jylǵy 29 mamyrdaǵy Eýrazııalyq ekonomıkalyq odaq týraly shartqa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany ratıfıkasııalaý týraly» zań jobasyn qaraıdy.
Bul Hattama múshe memleketterdiń energetıkalyq qaýipsizdigin arttyrýǵa jáne Eýrazııalyq ekonomıkalyq odaqta adal básekelestikti qamtamasyz etýge múmkindik beretin quqyqtyq keńistik qalyptastyrýǵa arnalǵan. Sondaı-aq múshe memleketter ekonomıkalarynyń elektr energetıkasy salasyndaǵy tıimdiligi men básekege qabilettiligin arttyrý úshin tıisti jaǵdaı jasaýdy kózdeıdi.
Sonymen qatar Palata otyrysynyń kún tártibine «Qazaqstan Respýblıkasy men Reseı Federasııasy arasyndaǵy áskerı yntymaqtastyq týraly shartty ratıfıkasııalaý týraly» zań jobasy shyǵaryldy.
Atalǵan Shart Qazaqstan men Reseı arasyndaǵy áskerı sala boıynsha yntymaqtastyqtyń túrli baǵyttaryn damytýǵa baǵyttalǵan. Naqty aıtqanda, memleketterdiń qaýipsizdigin qamtamasyz etý úshin áskerlerdi qoldanýdy birlesip josparlaý, óńirlik qaýipsizdiktiń syn-tegeýrinderi men qaterlerine qarsy is-qımyl, jedel jáne jaýyngerlik daıyndyq, áskerı bilim men ǵylym, bitimgershilik qyzmet sııaqty salalardaǵy yntymaqtastyqty qamtıdy.
