О́ńirdegi densaýlyq saqtaý basqarmasy men sanıtarııalyq-epıdemıologııalyq baqylaý departamenti mamandary koronavırýs ınfeksııasynyń taralýyna baılanysty ahýaldy jarııa etti. Jyldyń basynan beri COVID-19 ınfeksııasy oblysta 4 774 adamnan anyq,
4 273 adamnan sımptomsyz baıqalǵan. 100 myń turǵynǵa shaqqanda kórsetkish 1 344,2 boldy. Jalpy epıdemııa bastalǵaly 49 117 adam osy aýrýdy juqtyrsa, 880 adam COVID-19-dan kóz jumǵan.
«О́ńirde aqpan aıy bastalǵaly koronavırýs ınfeksııasynyń 1 949 jaǵdaıy tirkeldi. Bul jaǵdaı JRVI belgileri boıynsha tekserilgen 924 adamda, profılaktıkalyq maqsatta tekserilgen 880 adamda, jaqyn qarym-qatynasta bolǵan adamdardy tekserý kezinde 130 adamda jáne epıdemııalyq qadaǵalaý maqsatynda synama alynǵan 15 adamda anyqtaldy», dedi oblystyq sanıtarııalyq-epıdemıologııalyq baqylaý departamenti basshysy Muhamǵalı Aryspaev.
Oblys aýmaǵynda 1 aqpannan beri koronavırýs ınfeksııasyna PTR ádisimen 12 254 zerthanalyq zertteý júrgizilgen. Batysqazaqstandyqtar mundaı zerthanalarǵa orta eseppen táýligine 1 225 márte júgingen.
Reseı Federasııasymen aradaǵy keden beketterinen aqpan aıynyń alǵashqy onkúndiginde COVID-19 anyqtamasynsyz 300 jolaýshy ótken eken. Olardan PTR ádisimen COVID-19 test alynyp, qorytyndysynda 5 adamnyń syrqat ekeni anyqtalǵan. Sondaı-aq oblys arqyly halyqaralyq júk tasymaldap júrgen júrgizýshilerdiń 220-synda anyqtama joq bolýy sebepti olardan da PTR ádisimen COVID-19 test alynyp, qorytyndysynda 13 adam anyqtaldy. Olar oqshaýlanyp, karantın ortalyqtaryna jatqyzylǵan.
Ashyq qosymshasy derekteri boıynsha 2022 jylǵy 1 qańtardan beri oblys aýmaǵynda azamattar sanıtarlyq-karantındik rejimdi 729 ret buzǵany anyqtaldy. Onyń ishinde, «qyzyl» mártebesi bar 719 adam jáne «sary» mártebesi bar 10 adam tirkelgen. Osy áreket úshin jeke tulǵalarǵa Ákimshilik quqyq buzýshylyq týraly Kodekstiń 425-baby, 1-bóligi boıynsha 54 hattama toltyrylyp, 2 481 030 teńgege aıyppul salyndy.
«Dál qazir oblys boıynsha ambýlatorlyq deńgeıde 1 631 naýqas em alýda, onyń basym kópshiligi Oral qalasynda. 1 036 adam aýrýdyń jeńil aǵymymen aýyrǵan, 61 adam – ortasha dárejede, 534 adamda syrqat sımptomsyz ótýde. О́ńirdegi 14 ınfeksııalyq stasıonarda 275 naýqas em qabyldap jatyr. Aýrýhanalardyń tolymdylyǵy 36,6%, bul ótken aptamen salystyrǵanda 16%-ǵa tómen», deıdi oblystyq densaýlyq saqtaý basqarmasy basshysynyń orynbasary Gúlnár Ábdirahmanova.
Degenmen 21 naýqas jansaqtaý bóliminde, onyń altaýy – asa aýyr jaǵdaıda jatqany belgili boldy.
О́tken jyldan beri osy indetke shaldyqqan 42 053 adam aýrýdan jazylyp shyqqan. Sonyń ishinde 16 096 adam ınfeksııalyq stasıonarlarda em alyp shyqsa, 25 957 adam ambýlatorlyq deńgeıde emdelgen. Árıne, munyń artynda aq jeleńdi abzal jandardyń jankeshti eńbegi jatyr.
Oblys boıynsha koronavırýs ınfeksııasyna qarsy vaksınalaý bastalǵannan vaksınanyń I komponentimen 269 140 adam egilgen. Bul jalpy jospardyń 64,9%-yn quraıdy. Onyń ishinde Spýtnık V vaksınasyn 191 148 adam, QazVac vaksınasyn 21 110 adam, Hayat-Vax vaksınasyn 25 021 adam, Corona-Vac vaksınasyn 7 753 adam, Vero Cell vaksınasyn 24 108 adam alǵan.
Vaksınanyń II komponentimen barlyǵy 253 515 adam egilipti.
«Qazirgi tańda Pfizer kompanııasynyń Komırnatı vaksınasyn 9 467 adam aldy, onyń ishinde 4 920-sy jasóspirim, 340-y júkti jáne 4 207-si bala emizetin áıelder. Búginde oblystyń 52 349 turǵyny revaksınalaýdan ótti», dep málimdeıdi mamandar.
Kovıdke qarsy ekpeniń úshinshi kezeńinen ótken batysqazaqstandyqtardyń 2 673-i Spýtnık Lite vaksınasyn tańdaǵan. Al Pfizer kompanııasynyń Komırnatı vaksınasymen 2 307 adam revaksınalandy, onyń ishinde 1 052 medısına qyzmetkeri men 1 255-i – 60 jastan asqan adamdar. Aıta keteıik, bul – aqpannyń 11-indegi málimet.
Oblys aýmaǵynda Spýtnık V, QazVac, Vero Cell, Pfizer kompanııasynyń Komırnatı, Spýtnık Lite vaksınalarynyń kólemi jetkilikti.
Batys Qazaqstan oblysy
