Jekpe-jek keshi Plant-Sıtıde (Florıda shtaty, AQSh) ótedi. Onyń qarsylasy álem chempıony belbeýine úmitker Ulybrıtanııa eliniń ókili Djımmı Kellı (25-2, 10 KO) bolmaq. ProBox Promotions promoýterlik kompanııasy bul aıqasta orta salmaqta WBO Global belbeýi sarapqa salynatyny týraly aqparat taratty.
Esterińizge sala keteıik, Qanat Islam alǵashqy jospar boıynsha 2022 jyldyń 21 qańtarynda judyryqtasýy kerek bolatyn. Alaıda, koronavırýstyq shekteýlerge baılanysty jarys keıinge shegerildi.
Djımmı Kellı sońǵy kezdesýin ótken jyldyń 12 jeltoqsanynda óziniń otandasy Garrı Mettıýspen (16-50-3, 2 KO) judyryqtasyp, qarsylasyn nokaýtqa jibergen.
Al Qanat Islam sońǵy jekpe-jegin ótken jyly 20 aqpan kúni Maıamıde ótkizgen. Ekvadorlyq boksshy Djeıson Mındýmen (14-5-1, 8 KO) bolǵan jekpe-jektiń jetinshi raýndynda qarsylasyn tehnıkalyq nokaýtpen jeńgen.
