«Qamqor» jedel aldyn alý sharasy aıasynda Almaty qalasy bilim basqarmasynyń «Demeý» áleýmettik qyzmet kórsetý ortalyǵy» KMM 18 jastan asqan psıhonevrologııalyq aýrýlary bar adamdarǵa arnalǵan medısınalyq-áleýmettik mekemeniń bas býhgalteri men qyzmetkerine qatysty sotqa deıingi tergeý aıaqtaldy», delingen QR QMA habarlamasynda.
Tergeý aıyptalýshylarǵa qatysty psıhonevrologııalyq aýrýlary bar adamdardy ustaýǵa jáne ońaltýǵa bólingen bıýdjet qarajatyn jymqyrǵany úshin aıyp taǵyldy.
«Sotqa deıingi tergeý barysynda urlanǵan aqsha tolyq kólemde óteldi. Sot úkimimen aıyptalýshylar sottalyp, olarǵa eki jyldan úsh jylǵa deıin bas bostandyǵyn shekteý jazasy taǵaıyndaldy», dep qosty QR QMA baspasóz qyzmeti.
