Surapyl soǵys jyldarynda da, Tótenshe jaǵdaılar kezinde de aqparatty dálme dál jetkizýdiń úlgisi bolyp tabylatyn radıonyń ınternet dáýirindegi qajettiligi, radıo jýrnalısterdi daıyndaýdyń mańyzdylyǵyna qatysty mamandar pikirlerimen bólisip, sheberlik saǵattary ótti.
Radıonyń jer júzinde paıda bolýy kóptegen sheteldik ǵalymdardyń esimimen tyǵyz baılanysty. Al qazaq dalasynda radıo úniniń taralýy ótken ǵasyrdyń jıyrmasynshy jyldarynyń basynan bastaý alady. О́tken jyly qazaq radıosynyń 100 jyldyǵy atap ótildi. Búginde adamzatty aqparatpen qamtamasyz etýde tarıhı dáýirlerdi ótkergen radıo habarlar taratý óndirisi ınternet kezeńiniń qarama-qaıshylyqtarymen betpe-bet kelýde.
Ál-Farabı atyndaǵy QazUÝ-dyń jýrnalıstıka fakýlteti Halyqaralyq jýrnalıstıka jáne kommýnıkasııa qysqy mektebi bilim alýshy jastar men tájirıbeli jýrnalıster úshin medıa-dıalog alańy bolyp tabylady. Bıylǵy jyly ál-Farabı atyndaǵy QazUÝ IýNESKO taqyrybyn qoldaı otyryp, Dúnıejúzilik radıo kúnin «Radıo jáne senim» taqyrybymen atap ótti.
Sıfrly radıotehnologııalardy qoldaný boıynsha jańa bilim men tájirıbelik daǵdylardy alý, BUU Turaqty damý maqsattary – beıbitshilik, ádil sot jáne tıimdi ınstıtýttar maqsatyn jarııalaýda jańa tehnologııalar men ádisterdi úırený, ınternet jáne sıfrly saýattylyq máseleleri boıynsha jańa daǵdylar men quzirettilikti úırený, sonymen birge radıojýrnalıstıka týraly bilimdi keńeıtý sııaqty aýqymdy taqyryptardy qamtyǵan konferensııa barysynda mamandar óz tájirıbelerimen bólisti.
Radıonyń zamanýı qoǵamdaǵy róli, aqpartty jedel jetkizetin mobıldi qyzmeti turǵysynda ál-Farabı atyndaǵy QazUÝ Jýrnalıstıka fakýltetiniń dekany Sansyzbaı Madıev, BUU Jahandyq kommýnıkasııalar departamentiniń ókili Vlastımıl Samek, BUU-nyń Qazaqstan Respýblıkasyndaǵy aqparattyq bıýrosynyń basshysy, Altaı memlekettik ýnıversıtetinen fılologııa ǵylymdarynyń doktory Elena Vasılevna Lýkashevıch, professor, О́zbekstan Dúnıejúzilik ekonomıka jáne dıplomatııa ýnıversıtetiniń professory Patıma Mýmınova, Syrtqy ister mınıstrliginiń Almaty qalasyndaǵy О́kildiginiń Saıası yntymaqtastyq Basqarmasynyń basshysy Almasha Arenova, IýNESKO halyqaralyq jýrnalıstıka jáne qoǵamdyq medıa kafedrasynyń dosenti Aleksandr Rojkov, PhD, ǵylymı keńesshi Rafıs Abazov, Ál-Farabı atyndaǵy QazUÝ, Baspasóz jáne elektrondy BAQ kafedrasynyń meńgerýshisi Gúlmıra Sultanbaeva, QazUÝ Aqparat jáne kommýnıkasııalar departamentiniń Farabi media sýtýdııasynyń bas sarapshysy Bahyt Qurmanbekov, t.b. ǵalymdar qatysty.
Qazaqstan, Aýǵanstan, Qytaı, Reseı, О́zbekstannan qatysqan ǵalymdar, sonymen qatar joǵary oqý oryndarynyń stýdentteri, magıstranttar, doktoranttar jáne de BAQ ókilderi úshin bul jıyn radıojýrnalıstıka, sıfrly tehnologııalar órisin keńeıtý múmkindikterine qatysty aqparat alýǵa múmkindik berdi.
