Úkimet • 19 Aqpan, 2022

Álıhan Smaıylov azyq-túlik baǵasyn turaqtandyrý boıynsha keńes ótkizdi

71 ret kórsetildi

Premer-Mınıstr Álıhan Smaıylov QR Prezıdenti Qasym-Jomart Toqaevtyń tapsyrmalaryn iske asyrý jóninde keńes ótkizdi, dep habarlaıdy Egemen.kz QR Premer-Mınıstriniń Baspasóz qyzmetine silteme jasap.

Keńeste óńirler boıynsha áleýmettik mańyzy bar azyq-túlik taýarlarynyń baǵasy, turaqtandyrý qorlaryndaǵy ónim qory jáne monopolııaǵa qarsy sharalar qaraldy.

О́ńirler boıynsha bir apta ishinde baǵanyń eń joǵary ósýi Almatyda 0,6%-ǵa, Shyǵys Qazaqstan, Qostanaı jáne Qyzylorda oblystarynda 0,4%-ǵa tirkeldi.
Sońǵy aptada turaqtandyrý qorlarynda 100,7 myń tonna kóleminde kartop qory daıyndaldy. Sondaı-aq, 31,7 myń tonna sábiz, 24,5 myń tonnaǵa jýyq qyryqqabat, 23,5 myń tonna pııaz, 11,6 myń tonna qaraqumyq jarmasy jáne 22 myń tonna kúnbaǵys maıy bar.

Búginde óńirler kókónis ónimderiniń baǵasyn ustap turý úshin osy azyq-túlik qorlaryn saýdalaı bastady.

«Jekelegen kóterme-bólshek saýda bazarlarynda baǵany negizsiz kóterý baıqalýda. Buǵan jol bermeý kerek. Túptep kelgende bul ınflıasııaǵa áser etedi. Bul salada múmkin, qadaǵalaý organymen birge tártip ornatý qajet. Jedel sharalardan basqa, óndirýshilerdiń kóterme-bólshek bazarlaryna qoljetimdiligin qamtamasyz etý boıynsha naqty zańnamalyq normalardy belgileýdiń júıeli sharalaryn ázirleý qajet», dedi Á. Smaıylov.

Keńes barysynda ınflıasııany baqylaýdyń keshendi sharalaryn qabyldaý máselesi qaraldy.

2022-2024 jyldarǵa arnalǵan Inflıasııany baqylaý jáne tómendetý sharalary kesheniniń jobasy ázirlendi, ol jedel jáne orta merzimdik sıpattaǵy 66 is-sharany qamtıtyn 5 baǵyttan turady. Olar ónim óndirý kólemin ulǵaıtýdy, taýarlardy saqtaý jáne onyń logıstıkasyn, tasymaldaý, taýarlardyń bólshek saýdasyn, baǵa belgileýdi baqylaýdy, monopolııaǵa qarsy jáne syrtqy saýdany retteýdi kózdeıdi.

Básekelestikti qorǵaý jáne damytý agenttigi básekelestikti qorǵaý salasyndaǵy zańnamany buzýǵa jol bermeý, sondaı-aq Atyraý, Qaraǵandy jáne Qostanaı oblystarynda saýda-sattyq kezinde áleýmettik mańyzy bar azyq-túlik taýarlaryna saýda ústemesin 15%-dan 10%-ǵa deıin tómendetý boıynsha 5 akti jasady.

Sonymen qatar keńeske qatysýshylar «Aýyl – El besigi» baǵdarlamasy aıasynda elimizdiń batys jáne ońtústik óńirlerinde qosymsha jobalardy iske asyrý máselesin qarastyrdy. Memleket basshysynyń tapsyrmasyna sáıkes baǵdarlama sheńberinde bilim berý, mádenıet jáne sport, densaýlyq saqtaý salasyndaǵy 130 jobadan turatyn tizim jasaldy.

Jalpy, 2022 jyldyń qorytyndysy boıynsha batys óńirlerde 8 medısına nysany, 15 bilim berý nysany, 14 sport, 15 mádenıet nysany, ońtústik óńirlerde 26 medısına nysany, 23 bilim berý, 14 sport, 15 mádenıet nysany salynyp, jańǵyrtylady.

Atalǵan is-sharalardy iske asyrý respýblıkanyń batys jáne ońtústik óńirlerindegi 112 aýyldyq eldi mekende turatyn 500 myńnan astam aýyl turǵyndaryna medısınalyq, bilim berý, sport jáne basqa da qyzmetterdi usyný sapasyn qamtamasyz etýge múmkindik beredi.

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar