Saltanatty rásimnen keıin ótken ekijaqty kezdesý barysynda Elshi Qazaqstan Prezıdenti Qasym-Jomart Toqaevtyń Slovenııa Prezıdentine joldaǵan jyly lebizderin jetkizip, bıyl eki eldiń arasyndaǵy dıplomatııalyq qarym-qatynastar ornaýynyń 30 jyldyǵynyń mańyzdylyǵyn atap, Qazaqstannyń Slovenııamen ekijaqty yntymaqtastyqty odan ári nyǵaıtýǵa úlken mán beretinin habarlady.
«Elshi suhbattasyn Qazaqstandaǵy ahýalmen jáne Memleket basshysynyń jańa saıası jáne áleýmettik-ekonomıkalyq reformalarymen tanystyrdy. О́z kezeginde, B.Pahor júrgizilip jatqan reformalarǵa qyzyǵýshylyq tanytyp, Slovenııa Qazaqstandy senimdi áriptesi retinde qarastyratynyn jáne Lıýblıananyń tyǵyz yntymaqtastyqty damytýǵa daıyn ekendigin atap ótti. Kezdesý sońynda Slovenııa Prezıdenti ekijaqty qatynastardy odan ári nyǵaıtý isine tabys tilep, Qazaqstannyń Prezıdenti Q.Toqaevqa jyly tilekterin joldady», delingen vedomstvo habarlamasynda.
