Ondyqqa tıgen on jol

Fýtbol. Astanada Eýropa fýt­bol qaýymdastyǵynyń (ÝEFA) ke­zekti XXXVIII kongresi ótedi. Jıynda Eýropadaǵy fýtboldy damytý máselesi qaralady. Oǵan FIFA prezıdenti Iozef Blatter qatysyp, sóz sóıleıdi. Sodan keıin ol Qyrǵyzstan men Tájikstanǵa tórt kúndik resmı saparmen barady. Osy elderde ol birneshe fýtbol alańdarynyń ashylýyna qatysady dep kútilýde. Tennıs. Jaqynda Qazaqstan quramasy Devıs kýbogynyń shırek fınalynda Shveısarııa komandasymen kezdesetin quramdy jarııalady. Bul matchqa Qazaqstannyń ult­tyq komandasynyń kapıtany Dııas Dosqaraev, Mıhaıl Kýkýshkın, And­reı Golýbev, Aleksandr Nedo­ve­sov pen Evgenıı Korolevti shaqyrdy. Kezdesý 4-6 sáýir kúnderi Jenevada ótedi. Avtorallı. «Jibek joly – 2014» rallıiniń úsh kezeńi Qazaq­stan aýmaǵynda ótedi. Jarystar 4 shildede Máskeý­degi Qyzyl alańda bastalyp, 12 shil­dede Astanada aıaqtalady. «Más­keý – Cheboksary – Qazan – Býgýlma – Oral – Beıneý – Atyraý – Astrahan» baǵytynda ótetin joldyń jalpy uzyndyǵy – 5 myń shaqyrym. «Jibek joly» 2009 jyldan beri Reseı, Qazaqstan jáne Túrik­menstan aýmaǵynda ótkizilip keledi. Hokkeı. Qaraǵandynyń «Saryarqa» komandasy Krasno­dar­dyń «Kýban» hokkeıshilerin jeńip, Joǵary hokkeı lıgasy pleı-off serııasynda jartylaı fınalǵa shyqty. Bul matchta «Saryarqa» oıynshylary syrt alańda «Kýbandi» 3:0 esebimen utty. Sóıtip, tórt jeńiske deıin jalǵasatyn serııada qarsylastaryn 4:0 esebimen utqan Qaraǵandynyń komandasy jartylaı fınalǵa joldama aldy. Frıstaıl. Italııanyń Keza ın Valmalenko qalasynda Eýro­pa kýbogynyń qorytyndy kezeńi ótti. Onda áıelder arasynda shań­ǵy akrobatıkasynan ótken synda qazaqstandyq Janbota Aldaber­genova úzdik úshtikke endi. Kelesi kúni de ol akrobatıkalyq sekirýden úzdik nátıje kórsetti. Sóıtip, jalpy esepte 350 reıtıng­tik upaı jınap, ekinshi oryndy ıelendi. Taekvondo. Taıvanda jasós­pirimder men jastar arasynda ótip jatqan álem chempıonatynda Qazaqstan quramasy alǵashqy júldege ıe boldy. Jastar arasynda Artýr Kım 48 kılo salmaqta kúmis júldeger atandy. Osynyń aldynda jasós­pirimder arasynda ótken synda 48 kıloda Ǵalymjan Elshibaı úzdik segizdikke enip, jasóspirimder arasynda ótetin Olımpıadaǵa joldama aldy. Bıyl Olımpıada tamyzda Qytaıda ótedi. Grek-rım kúresi. Keshe Alma­tyd­aǵy «Dostyq» sport kesheninde qazaq halqynyń dańqty balýany Dáýlet Turlyhanovtyń júldesi úshin dástúrli respýblıkalyq týrnır bastaldy. Oǵan 1997-1999 jyldary týǵan balýandar qatysýda. Týrnır búgin keshke aıaqtalady. Osynyń aldynda qazaqtyń ataqty balýany týǵan jeri Shyǵys Qazaqstan oblysynda kópsalaly Bolat Turlyhanov atyndaǵy sport keshenin salyp bergen bolatyn. Basketbol. «Astana» basketbol klýbynyń «VTB birikken lıgasynyń» pleı-off kezeńindegi qarsylasy anyqtaldy. Endi 1/8 fınalda elordalyq ko­manda Reseıdiń «Nıjnıı Nov­gorod» komandasymen kezde­se­di. Alǵashqy match Astanada ótedi. Osy synda qaı komanda eki ret jeńse, shırek fınalǵa shyǵa­dy. Onyń kelesi aınalymdaǵy qar­sylasy «Hımkı» komandasy bolady. Voleıbol. Taraz qalasynda ulttyq lıga komandalary arasynda ótken el chempıonaty aıaqtaldy. «Almaty» komandasy altyn medal úshin ótken sońǵy oıyn­da Oraldyń «Kondensat-Jaıyqmunaı» klýbyn 3:1 esebimen utyp, bıylǵy Qazaqstan chempıony atandy. Almatylyqtar osymen el chempıony ataǵyn kezekti ret jeńip aldy. Endi olar sáýir aıynda klýbtyq komandalar arasynda Azııa chempıonatynda Qazaqstan namysyn qorǵaıdy. «Egemen-aqparat».