Bul týraly QR Úkimeti otyrysynda Indýstrııa jáne ınfraqurylymdyq damý mınıstri Qaıyrbek О́skenbaev málimdedi.
Sý tasqyny qaýpiniń ýaqtyly aldyn alý jáne joıý, sondaı-aq poıyzdardyń úzdiksiz jáne qaýipsiz qozǵalysyn qamtamasyz etý maqsatynda QR IIDM temir joldardy sý tasqyny kezeńine daıyndaý boıynsha jumystar júrgizýde. Atap aıtqanda, «QTJ» UK buıryǵymen joldar men jol boıyndaǵy temirjol nysandaryn qorǵaý boıynsha arnaıy is-sharalar kesheni engizildi.
Qazirgi ýaqytta kópirler, qubyrlar men drenajdyq qudyqtardy qar men muzdan tazartý, sondaı-aq taý jáne sý burǵysh aryqtardy, naýalar men kıývetterdi ashý boıynsha daıyndyq jumystary júrgizilýde. Mamandar sý qoımalary men agrotehnıkalyq bógetterdiń jaı-kúıin tekseredi, TJ boıynsha oblystyq bólimshelermen ózara is-qımyl algorıtmderi pysyqtaldy.
«О́tken jyldardyń tájirıbesin taldaý nátıjeleri boıynsha elimizdiń barlyq óńirlerinde 673 qaýipti oryndardyń tizbesi anyqtaldy, olardy aınalyp ótý joldary uıymdastyryldy. Jaýapty tulǵalar táýlik boıy kezekshilik etedi. Tasqyn sý ótken jaǵdaıda sý basý aımaǵynan azamattardy evakýasııalaý úshin lokomotıvter jáne 1,6 myńnan astam vagon daıyndaldy. Arnaıy tehnıkalar – krandar, traktorlar men býldozerler, 84 qalpyna keltirý jáne órt sóndirý poıyzdary turaqty daıyndyqta», dedi Q.О́skenbaev.
Mınıstrdiń aqparaty boıynsha, joldar men temirjol qurylystaryn qorǵaý úshin 2 550 tekshe metr kesek tas jáne 9 myń kondısııalyq emes temir-beton shpaldary daıyndalǵan. Tehnıka men materıaldardyń daıyndyǵy 100% quraıdy.
