Qalalyq bas sanıtarlyq dárigerdiń orynbasary Sádýaqas Baıǵabulovtyń aıtýynsha, ótken aptadan beri Almaty qalasynyń kásipkerlerinen, túrli uıymdardan aldaǵy 8 naýryz Halyqaralyq áıelder kúni men Naýryz meıramyn qalaı toılaıtyny týraly saýaldar kelip túsken.
«Buǵan deıin 18 aqpanda elimizdiń bas sanıtarlyq dárigeri kezekti karantındik erejeler men shekteýlerdi belgiledi. Jańa talaptarǵa sáıkes konferensııalar men forýmdar, sondaı-aq saltanatty keshter men eske alý keshterin ótkizýge bolady.
Korporatıvtik keshter, basqa da buqaralyq is-sharalar tek Ashyq nysandarynda ótkizilýi kerek. Almaty qalasy «qyzyl» aımaqta bolǵandyqtan kelýshiler sany 70 paıyzdan aspaý kerek. Alda koronavırýstyń jańa jaǵdaılary azaıyp, qala «sary» nemese «jasyl» aımaqqa aýyssa, onda eshqandaı shekteýler bolmaıdy», dep túsindirdi Sádýaqas Baıǵabulov.
