Sarapshylar jańa Qazaqstandy qurý jaǵdaıynda qoǵamdyq kelisim men qoǵamdyq-saıası ózgeristerdiń tıimdi formatyn qalyptastyrý máselelerin talqylady.
Saraptamalyq kezdesý barysynda QR Aqparat jáne qoǵamdyq damý mınıstrligi Azamattyq qoǵam isteri komıtetiniń tóraǵasy Madııar Qojahmet usynystar men usynymdardy qalyptastyrý boıynsha saraptamalyq-taldamalyq jumys toby qurylǵanyn habarlady. Jumys tobynyń basty mindeti qoǵamdyq qatynastardy jańǵyrtýǵa baǵyttalǵan usynystardy dıalog alańdarynda talqylaý bolyp tabylady.
«Jalpy, bir aı ishinde qazaqstandyqtardan Prezıdent atyna túrli sapadaǵy jáne baǵyttaǵy myńdaǵan hattar, usynystar kelip tústi. Munyń bárin salalyq mınıstrlikter jınap, qaraıdy. Qoǵamǵa qundy, paıdaly jáne qajetti usynystar bar. Biz olardy saraptamalyq top aıasynda qarastyryp, naqty jáne nátıjeli usynystardy odan ári iske asyrý múmkindikterin ázirleımiz», dedi M.Qojahmet.
«Qazaqstannyń Azamattyq Alıansy» ZTB prezıdenti Baný Nurǵazıevanyń aıtýynsha, qańtar qasyreti eski jáne jańa Qazaqstan arasyndaǵy sýaıryqqa aınaldy. Eń aldymen, azamattar pıketterde, mıtıngilerde jáne t.b. emes, ashyq sıpattaǵy pikirtalastarda óz kelispeýshilikterin bildire alatyndaı jaǵdaı jasaý kerek. Búgingi tańda, tutastaı alǵanda, Qazaqstanda ortaq jáne biriktirýshi - bul ádilettilik pen áleýmettik kepildikke suranys basym.
«Úlken energııa, emosııalar, ambısııalar men úmitterdi baıqap otyrmyz. Adamdardyń suranysy joǵary, olar óz pikirlerine qulaq asqanyn jáne qoǵamǵa paıdasyn tıgizgisi keledi. Bul orasan zor energııany basqarý jáne ony jasampaz arnaǵa baǵyttaý qajet», dep atap ótti B.Nurǵazıeva.
Tanymal ekonomıst, «Talap» qoldanbaly zertteýler ortalyǵynyń dırektory Rahym Oshaqbaev elimizdiń áleýmettik-ekonomıkalyq salasyndaǵy negizgi problemalardy atady.
«Ekonomıkalyq jaǵdaıdy baǵalaýǵa bolatyn negizgi ındıkatorlar - jumyssyzdyq, ınflıasııa, halyqtyń naqty tabysy, ekonomıkalyq ósim. Bul kórsetkishterdiń barlyǵy burmalanýda dep sanaımyn. Statıstıka boıynsha jumyssyzdyq 4-5%, ınflıasııa –7,5-8%. Bul shyndyqqa eshqandaı qatysy joq fantastıkalyq sandar. Taǵy bir úlken másele – halyqtyń nesıe alýy. Qarjy retteýshisi 1,5 mıllıonǵa jýyq adam kollektorlarda esepte turǵanyn moıyndady, al is júzinde - sońǵy 3 jylda atqarýshylyq óndiristiń sany jylyna 1 mıllıonnan asady. Bizdiń baǵalaýymyz boıynsha, kollektorlar men sot oryndaýshylarǵa shamamen 2-3 mln adam qaryz. Bul 11 mln ekonomıkalyq belsendi halyq. Kedeılik, tabys, jumyspen qamtý týraly aıtqanda, biz halyqtyń edáýir bóligi mınýsta ekenin túsinýimiz kerek. Iаǵnı, olar birneshe nesıe boıynsha qaryz aýyrtpalyǵyn sezinedi», dedi R.Oshaqbaev.
Saraptamalyq kezdesý aıasynda Qazaqstandyq qoǵamdyq damý ınstıtýtynyń Basqarma tóraǵasy Qazbek Maıgeldınov qańtardaǵy qaıǵyly oqıǵalardyń basty máni - onyń shegi ekenin atap ótti. Iаǵnı, memlekettik basqarýdyń saıası jáne basqa da qatelikteri biz úshin sabaq bolyp qala beredi. Endi osy sabaqtardy eskere otyryp, biz jańa Qazaqstandy qurýǵa kirisýimiz kerek.
