Deklarasııalanbaǵan dollar

2022 jyldyń qańtar aıynda ǵana «Jetisý», «Áýejaı-Astana», «Jibek Joly», «Qazyǵurt», «Túrkistan-KRO-Áýejaı», «Áýejaı-Shymkent», «Áýejaı-Aqtaý» keden beketterinde dek­l­arasııalanbaǵan qolma-qol aqsha qara­jattaryn alyp ketýdiń 48 faktisi anyq­talǵan. Deklarasııalanbaǵan qol­ma-qol aqsha qarajattarynyń somasy
1 086 618 dollardy quraǵan. Ondaı zań buzýshylyqqa jol bergen azamattardy keden beketteriniń qyzmetkerleri UQK Shekara qyzmetiniń qyzmetkerlerimen birlesip ustaǵan.

Jalpy, 2022 jyldyń qańtar aıynda 47 ákimshilik quqyq buzýshylyq týraly materıaldar jasalǵan (ta­ýar­lar­dy, qolma-qol aqsha qarajatyn, aqsha quraldaryn deklarasııalamaý nemese anyq emes kedendik deklarasııalaý, kedendik qujattardaǵy máli­met­terdi anyq emes málimdeý), bul zań buzýshylyqtar boıynsha 1 439 610 teń­ge aıyppul salynǵan.

Almaty qalasynda 2022 jyldyń qańtar aıynda jeke tulǵalarǵa 26 ákimshilik quqyq buzýshylyq týraly ma­terıaldar jasalǵan, ol azamattar 165 726 430 teńge, naqty aıtqanda 656 826 dollardy deklarasııalamastan alyp ótpek bolǵan, aıyppuly – 796 380 teńge.

Máselen, 21 qańtarda Almaty qala­synyń halyqaralyq áýejaıynda «Al­ma­ty – Ábý-Dabı» qatynasyndaǵy áýe reısine kedendik baqylaýdy júzege asyr­ǵannan keıin Qazaqstan azamaty toqtatyldy, onyń jeke tekserý barysynda 57 myń dollar mólsherinde qolma-qol aqsha tabyldy, bul ekvıvalentte 24 765 360 teńgeni qurady. Ákimshilik quqyq buzýshylyq týraly materıal jasalyp, 30 630 teńge kóleminde aıyppul salyndy.

31 qańtarda «Almaty – Dýbaı» áýe reısi arqyly 99 myń dollar jáne 18 myń teńge (bul 42 949 170 teńgeni shamalaıdy) somasynda aqsha qarajatyn alyp ótpek bolǵan Qazaqstan azamaty toqtatyldy. Materıal odan ári tergeý úshin Almaty qalasy boıynsha Eko­no­mıkalyq tergeý departamentine be­rildi.

Tek elordada 2022 jyldyń qańtar aıynda jeke tulǵalarǵa 11 ákimshilik quqyq buzýshylyq týraly materıaldar jasalǵan, ol azamattar 96 313 257 teńge, naqty aıtqanda 222 512 dollardy deklarasııalamastan alyp ótpek bolǵan, aıyppuly – 336 930 teńge.

Máselen, «Nursultan Nazarbaev» halyqaralyq áýejaıynda 21 qańtarda «Nur-Sultan – Ystanbul – Dýbaı» halyqaralyq áýe reısimen ushyp bara jatqan jolaýshylar kedendik baqylaýdan ótkennen ke­ıin «Áýejaı-Astana» keden beketi qyz­met­ker­le­ri UQK Shekara qyzmetiniń qyzmet­ker­lerimen bir­lesip Qazaqstan aza­ma­tyn ustady. Ustaý kezin­de 40 myń dollar somasyndaǵy dek­lara­sııa­­lan­ba­ǵan aqsha qarajaty anyq­tal­dy. 25 qań­tarda 45 765 dollar soma­syn­daǵy deklarasııalanbaǵan aqsha qara­jatyn alyp ótpek bolǵan Qazaq­stan azamattary ustalǵan. Al 28 qań­tarda 38 myń dollar somasyndaǵy deklarasııalanbaǵan aqsha qarajatyn alyp ótpek bolǵan taǵy bir Qazaqstan azamaty ustalǵan.

Túrkistan oblysynda shetel valıý­ta­syn zańsyz áketýdiń 7 faktisiniń joly kesildi. Zań buzýshylar 170 750 dol­lardy alyp ótpek bolǵany úshin 214 410 teńge mólsherindegi aıyppul ar­qa­lady.

Qazaqstan-О́zbekstan baǵytynda 5-12 qańtar aralyǵynda «Jibek joly» keden beketinde jalpy somasy 121 050 dollardy alyp ótýdiń 4 faktisi anyq­tal­dy: 5 qańtarda 39 500 jáne 45 400 dollardy alyp ótpek bolǵan 2 azamat ustaldy, 11 jáne 12 qańtarda 25 800 jáne 10 350 dollardy alyp ótpek bol­ǵan 2 azamat ustaldy.

Qazaqstan-О́zbekstan baǵytynda 3-26 qańtar aralyǵynda «Qazyǵurt» keden beketinde jalpy somasy 37 200 dollardy alyp ótýdiń 2 faktisi anyq­tal­dy, 61 260 teńge aıyppul salyndy.

28 qańtarda Túrkistan – Ystanbul reısi, «Túrkistan-KRO-Áýejaı» keden beketinde 12 500 dollardy alyp ótpek bolǵan er adam ustalǵan.

«Aqtaý» halyqaralyq áýejaıynda «Áýejaı-Aqtaý» keden beketiniń qyz­metkerleri UQK Shekara qyzmetiniń qyzmetkerlerimen birlesip, 15 650 dollar somasyndaǵy shetel valıýtasyn «Aqtaý-Kýtaısı» reısi arqyly kontrabandalyq jolmen alyp ketýge tyrysqan er adamdy ustady. 31 qań­tar­da «Aqtaý-Dýbaı» reısi arqyly ket­pek­shi bolǵan 1987 jyly týǵan azamattan jarııalanbaǵan 10 700 dollar tabyldy. Eki derek boıynsha QR ÁQBtK-niń 551-babynyń 3-bóligi boıynsha ákimshilik is qozǵaldy (Taýarlardy, qolma-qol aqsha qarajatyn, aqsha qu­ral­daryn deklarasııalamaý nemese anyq emes kedendik deklarasııalaý, ke­den­­­dik qujattarda málimetterdi anyq emes málimdeý) jáne 10 AEK mólshe­rin­­de aıyppul salyndy. Aqsha ıelerine qaı­taryldy.

Shymkentte 18 qańtarda «Shymkent – Ystanbul» baǵytyndaǵy áýe reı­si­men Qazaqstan azamaty 10 180 dol­lar somasyndaǵy qolma-qol aqsha qa­ra­jatyn deklarasııalamaý faktisi anyq­ta­lyp, 30 630 teńge aıyppul salynǵan.

Memlekettik kirister komıteti «Qa­zaq­­stan Respýblıkasyndaǵy keden­dik retteý týraly» Qazaqstan Res­pýb­lıkasy Kodeksiniń 343-baby 1-tarma­ǵynyń 7) tarmaqshasynda qolma-qol aqsha qarajaty kedendik deklara­sııa­laýǵa jatatynyn eske salady.

Kedendik deklarasııalaýdy júzege asyrý ótkiziletin qolma-qol aqshanyń jáne jol chekteriniń shyǵý tegi jáne maqsaty týraly málimetterdi kórsete oty­ryp, ákelinetin nemese áketiletin qolma-qol shetel valıýtasynyń, qolma-qol ulttyq valıýtanyń jáne jol chek^­te­riniń barlyq somasyna jazbasha ny­sanda kedendik deklarasııa berý arqyly júrgiziledi.

Budan basqa, taýarlardy kedendik deklarasııalaý kezinde jeke tulǵalar 10 myń dollar balamasyna teń nemese odan aspaıtyn jalpy somadaǵy qolma-qol shetel valıýtasyn jáne (ne­mese) qolma-qol ulttyq valıýtany (baǵaly metaldardan jasalǵan monetalardy qospaǵanda) jáne jol chekterin kedendik deklarasııasyz Qazaqstanǵa ákelýge nemese Qazaqstannan áketýge quqyly.