Prezıdent • 24 Aqpan, 2022

Memleket basshysy «Qazaqtelekom» AQ basqarma tóraǵasyn qabyldady

290 ret

kórsetildi

1 mın

oqý úshin

Memleket basshysyna Qazaqstannyń telekommýnıkasııa salasynyń qazirgi ahýaly, onyń mobıldi segmentiniń damýy, halyq pen bızneske kórsetiletin qyzmetterdiń sapasyn arttyrý jumystary jóninde baıandaldy, dep habarlaıdy Egemen.kz Aqordanyń resmı saıtyna silteme jasap.

Botakóz BAQBERGEN

Memleket basshysy «Qazaqtelekom» AQ basqarma tóraǵasyn qabyldady

Qýanyshbek Esekeev Prezıdentke 5G jelisin engizýdyń jáne sıfrlyq teńsizdikti odan ári tómendetýdiń perspektıvalary týraly baıandady. Ol, sondaı-aq, 2018-2020 jyldary aýyldyq jerlerde salynǵan optıkalyq-talshyqty magıstral bazasynda jergilikti jelilerdi salý boıynsha jobalardy júzege asyrý barysy týraly aıtty. «Sıfrlyq seriktes» baǵdarlamasy aıasynda joǵary jyldamdyqty ınternetti árbir úıge jetkizý jobasyna jeke servıstik kompanııalar qosyldy.

Sonymen qatar, Memleket basshysy kompanııanyń 2300 MGs dıapazonyndaǵy FWA (Fixed Wireless Access, tirkelgen symsyz baılanys) ozyq tehnologııasyn paıdalaný jónindegi josparymen tanysyp shyqty.

Kezdesý qorytyndysy boıynsha Qasym-Jomart Toqaev kompanııanyń qala men aýyl arasyndaǵy sıfrlyq teńsizdikti tómendetý jónindegi qazirgi qyzmetine, sondaı-aq ulttyq telekom-operatordyń perspektıvasy bar jobalaryna qatysty naqty tapsyrmalar berdi.