ANTIKOR • 25 Aqpan, 2022

Jemqorlyq: Almaty oblysynda eki sheneýnik ustaldy

293 ret kórsetildi

QR Sybaılas jemqorlyqqa qarsy is-qımyl agenttigi Almaty oblysynda sheneýnikterdi ustady, dep habarlaıdy Egemen.kz.

«Almaty oblysynyń sybaılas jemqorlyqqa qarsy qyzmeti Almaty oblysynyń UQKD-men birlesip Ile aýdanynyń qurylys, sáýlet jáne qala qurylysy bóliminiń basshysyn áshkereledi, ol keıinnen kommersııalyq obektige nysanaly maqsatyn ózgertý úshin úıdi paıdalanýǵa berý aktisine qol qoıǵany úshin JShS dırektorynan 3 mln teńge somasynda para aldy», dep habarlady Antıkordyń Almaty oblysy boıynsha departamenti.

Vedomstvo 9 aqpanda Ile aýdandyq soty kúdiktige kepil berý quqyǵymen eki aı merzimge «kúzetpen ustaý» bultartpaý sharasyn sanksııalaǵanyn atap ótti.

«Almaty oblysynyń sybaılas jemqorlyqqa qarsy qyzmeti Kegen aýdanynyń turǵyn úı-kommýnaldyq sharýashylyǵy, jolaýshylar kóligi, avtomobıl joldary jáne turǵyn úı ınspeksııasy bóliminiń basshysyn qolǵa túsirdi. Ol 18 aqpanda Kegen aýdanynyń joldaryn jóndeý boıynsha oryndalǵan jumystardyń aktilerine, sondaı-aq obektilerdi paıdalanýǵa berý aktilerine qol qoıǵany úshin merdiger uıym dırektorynan 1 mln teńge somasynda para aldy», dep málimdedi departament.

Vedomstvoda naqtylaǵandaı, 20 aqpanda Taldyqorǵannyń mamandandyrylǵan tergeý soty kúdiktige «kúzetpen ustaý» túrindegi bultartpaý sharasyn sanksııalady.

«Eki is boıynsha tergeý jalǵasýda, tergeý múddesi úshin basqa aqparat jarııalaýǵa jatpaıdy», dep qosty oblystyq departament.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar