Halqyna qadiri artyp, dańqy órlegen Jambyl, shabyt tuǵyryna qonǵan Alataýdyń aq ıyq qyrandaı jyr nóserin seldetti. Onyń sózderi uranǵa aınalyp, halyq poezııasynyń atasy ataldy. Jambyldyń ulylyǵy onyń tek aqyndyq sheberligimen ǵana emes, sonymen birge, halyq aqyndarynyń jasampazdyq rýhtaǵy jańa uly kóshin bastaǵan daralyǵymen ólshenedi. Nazarlaryńyzǵa Jambyl aqynnyń naqyl sózderin usynamyz.
Oıhoı, dúnıe – serýen,
Adam – bir kóshken kerýen.
***
Aqyn ǵarip emes pe, baıdy ótirik maqtasa,
Zaman ǵarip emes pe, ádiletten attasa.
***
Jaby júırik bolar ma - baılaǵanmen,
Jasyq bolat bolar ma - qaıraǵanmen.
***
Erden baǵy janbaǵan áıel ǵarip.
***
Sert adamdy baılaıdy
Er jigit sertten taımaıdy.
***
El úshin týǵan erlerdiń,
Aldy-arty darııa keń bolar.
Jigerli bolsa – er bolar.
***
Artyqsha týǵan azamat
Halyqqa úlken bel bolar.
***
Kárilik eki kózdi qyzartady,
Súıektiń etin sylyp, uzartady.
Eńkeıseń etpetińnen túsirgendeı,
Batpandap tize tusqa tuz artady.
***
Jamanǵa uıqy – joldas, tamyr – tamaq,
Bolmaıdy kóńilinde basqa talap.
***
Qataryń bolsa quryshtaı
Qaharyń bolsa qylyshtaı,
Jaý qalmaıdy jeńilmeı.
