Áńgimelesý barysynda Olga Perepechına búginde Qazaqstan óziniń damýynyń jańa tarıhı mejesinde ekenin jáne Memleket basshysynyń bastamasy boıynsha barlyq salalarda keshendi jáne júıeli ózgerister júrgizilip jatqanyn atap ótti. Cóz barysynda, basty baǵyttardyń biri eldiń saıası júıesin odan ári demokratııalandyrý bolyp tabylady, osy maqsatta zańdardyń úlken paketi qabyldandy jáne bul jumys jalǵasatyn bolady, dep málimdedi Vıse-Spıker.
Taraptar Qazaqstan men Lıtva Parlamentterinde jumys isteıtin dostyq toptarynyń dıalogy negizinde parlamentaralyq baılanystardy damytýdyń mańyzdylyǵyn atap ótti.
«Biz Lıtva men Qazaqstan parlamentterindegi dostyq toptarynyń qyzmetin tolyq qoldaımyz jáne olardyń qyzmeti bizdiń parlamentaralyq baılanystarymyzdy odan ári keńeıtýge mańyzdy serpin beredi dep sanaımyz. Budan basqa, aldaǵy kezeńde biz jumys baılanystaryn tereńdetý jáne parlamenttik qyzmet tájirıbesin, onyń ishinde zańnamalyq aktilerdi ázirleý jáne qabyldaý praktıkasyn zerdeleý úshin birqatar birlesken is - sharalar ótkize alar edik», dedi Olga Perepechına áńgime barysynda.
Bizdiń memleketterimizdiń ekijaqty yntymaqtastyǵynyń osy jáne basqa da máselelerinde Qazaqstan Senaty Qazaqstan men Lıtva arasyndaǵy qatynastardy odan ári nyǵaıtý úshin barlyq qajetti kómek kórsetýge daıyn, dep málimdedi Olga Perepechına.
