«Ustanymymyz memleketimizdiń qaýipsizdigin, egemendigin, aýmaqtyq tutastyǵyn qamtamasyz etý turǵysynda bolýy tıis. 2010 jyly EQYU sammıtin ózinde qabyldaǵan el retinde biz eýrazııalyq qaýipsizdiktiń tutastyǵy ustanymyn qoldaımyz.
Bul jaıynda men 10 aqpandaǵy Máskeýge saparym barysynda da aıttym. Tutastyq ustanymy jáne qaýipsizdiktiń ortaqtyǵy ózara senim negizindegi ózara túsinistikti bildiredi. О́kinishke oraı, mundaı jaǵdaı oryn alǵan joq. Mıısk kelisimi qaǵaz kúıinde qalyp qoıdy. Bul Ýkraına aýmaǵyndaǵy áskerı is-qımylǵa alyp keldi. Geosaıası ahýal teńdessiz túrde shıelenisti», dedi Memleket basshysy «Amanat» partııasynyń kezekten tys sezinde.
Sondyqtan Qazaqstan Prezıdenti eki memleketti de ýaǵdalastyq pen kelisimge kelýi úshin kelissózder ústeline otyryp, ortaq til tabýǵa shaqyrdy.
«Basqa joly joq. Beıbit ómirsiz damý da bolmaıdy. Qazaqstan óz tarapynan barlyq járdemin, onyń ishinde araǵaıyndyq qyzmetin kórsetýge daıyn. Árıne, eger ol qajet bolsa», dedi Qasym-Jomart Toqaev.
