«Baspana máselesi qala turǵyndary úshin qashanda ózekti bolyp qala bermek. Turǵyn úı qoljetimdirek bolýy úshin birneshe baǵyt boıynsha jumys júrip jatyr. Olar – jeńildikpen beriletin qoljetimdi turǵyn úı salý, turǵyn úı keshenderin jóndeý, apatty jaǵdaıdaǵy jáne eski úılerdi buzý, qurylysy uzaqqa sozylǵan nysandardy aıaqtaý jáne t.b.
Jeńildikpen beriletin páterler salý jumysy «Baıterek» holdınginiń enshiles uıymdary jelisi boıynsha júrip jatyr. Osy sebepti birqatar uıymnyń basshylyǵymen jınalys ótip, ózekti máseleler qarastyryldy. Sonymen «Báıterek» holdınginiń Basqarma tóraǵasy Qanat Sharlapaevpen, «Otbasy Banki» Basqarmasynyń Tóraǵasy Lázzat Ibragımovamen, «Báıterek» holdıngi Basqarma tóraǵasynyń orynbasary Ádil Muhamedjanovpen kezdesip, ózekti máselelerdi qarastyrdyq. Máselen, Qazaqstandyq turǵyn úı baǵdarlamasy (QIK) jelisi boıynsha – medısınalyq jáne áleýmettik qyzmetkerlerge, pedagogtarǵa, polısııa departamenti men TJD qyzmetkerlerine, mádenıet jáne sport qaıratkerlerine arnalǵan áleýmettik turǵyn úı», dep jazdy elorda ákimi.
Ákim jastarǵa arnalǵan turǵyn úı baǵdarlamasy jaıly da tilge tıek etip ótti.
«О́zderińiz biletindeı, Otbasy banki jelisi boıynsha kezekte turǵandarǵa ótken jyldan bastap jastarǵa arnalǵan arnaıy turǵyn úı baǵdarlamasyn iske qostyq. Turǵyn úı boıynsha jeńildetilgen áleýmettik nesıelendirý baǵdarlamasy qalamyzdyń 36 jasqa deıingi jastaryna (kúıeýiniń/áıeliniń jasy mańyzdy emes) arnalǵan.
Memleket basshysy azamattardyń qoljetimdi baspana satyp alýyna jaǵdaı jasaý máselesine erekshe nazar aýdarýdy tapsyrdy. Bıyl biz taǵy da 10 myń áleýmettik páter salýdy josparlap otyrmyz», dedi Altaı Kólginov.
