PIB baspasóz qyzmeti málimetinshe, sarapshylar rezıdensııa ǵımaratynyń paıdalanýǵa jaramdylyǵy shekteýli degen qorytyndy jasaǵan.
«О́rt pen óte joǵary temperatýra saldarynan barlyq júk kótergish qurylym men shatyrdyń negizi sanalatyn metall elementteri zaqymdanǵan. Ǵımarattyń saqtalyp qalǵan bóligindegi órt ıisin tolyǵymen joıý múmkin emes.
Onyń ústine, búginde nysannyń keıbir qurylymdyq elementteri qoldanystaǵy qurylys normalary men erejelerine sáıkes kelmeıdi. Ǵımarattyń negizgi qurylymdaryn qalpyna keltirý jáne onyń seısmıkalyq nyǵaıtylýyna orasan zor kúrdeli salymdar qajet», dedi Prezıdent Is basqarmasy ókilderi.
Sarapshylardyń pikirinshe, rezıdensııany jóndeý jáne onda belsendi jumys isteý de qaýipti. PIB baspasóz qyzmeti ǵımaratty buzý zańmen belgilengen barlyq rásimdi saqtaı otyryp júrgiziletinin habarlady.
