Qoǵam • 06 Naýryz, 2022

Alaıaqtar týraly fılmder nege tanymal?

71 ret kórsetildi

Internet áleminiń kún sanap damýy jańa múmkindikterdiń esigin kóptep ashýda: jańa jumys oryndary paıda boldy, kásiptiń órken­deýine múmkindikter kóbeıdi. Ásirese pandemııa kezinde ınter­nettiń mol múmkindigi tórt qabyrǵaǵa qamalǵan adamzat bala­synyń zerikpeı, tipti ýaqytyn paıdaly ótkizýge jaǵdaı jasa­dy.

 

Sońǵy jyldary strımıngtik plat­­formalar, ıaǵnı fılm, vıdeo­­­ǵa arnalǵan saıttardyń ta­­ny­­­mal­dylyǵy artty. Olar da qo­ǵam­­nyń tamyryn basyp, árqa­shan suranysqa qaraı jaýap berip turady. Sońǵy jyldary álemde Netflix, Amamzon prime, Ivi syndy platformalardyń tany­mal­dy­lyǵy artty. Byltyr Netflix-ke jazylýshylar sany mln-ǵa jet­ken.

Netflix buǵan deıin shyǵa­ryl­ǵan fılmder usynatyn me­dıa­teka ǵana emes, joǵaryda aıt­qa­ny­­myzdaı ózi de fılm ónimin jasaýshy sanalady. Qoǵamdaǵy ózekti taqyrypqa qatysty fılm, hı­kaıalardy der kezinde usy­nýy­­­­­men kóptiń nazaryna ilikken plat­formada búginde 3 600-den astam fılm, 1 800-ge jýyq tele­baǵ­darlama bar. Alaıda sońǵy kezderi kórermender Netflix taqy­rybynyń tym «tolerantty» arnaǵa burylyp jatqanyn aıta­tyndar az emes. Máselen, al­ǵa­shyn­da paltformada evreıler, ortodoksaldy evreılerdiń ómiri, Iz­raıl qarýly kúshteriniń ju­my­syna qatysty fılmder kóptep shyǵaryldy. Odan keıin qo­­ǵamdaǵy azshylyqtar taqy­ry­by­na qatysty ónim kóbeıdi. Al endi Netflix óniminiń barlyǵynda mindetti túrde qara násildi akter kórinis tabatynyn aıtyp júr­gen­der az emes.

Biz sońǵy kezderi áleýmettik je­lilerde kóptep talqylanǵan bir­neshe fılm men onyń taqy­ry­byna toqtalmaqpyz. Bıyl palt­formada «Tinder-degi alaıaq» fıl­mi men «Annany oılap tabý» hıkaıasy jaryq kór­di. Ja­rııalanǵan kúninen kóp uza­maı qaralym sany artyp, kóp tal­qylanǵan ónimder qataryna endi. Kóptiń nazaryna iligýiniń basty sebebi – shynaıy oqıǵa negizinde túsirilýi. Eki fılm de zamandastarymyz týraly. Iаǵnı aldanǵan men aldaǵan tarap jaıly. «Tinder-degi alaıaq» fılmine aldanǵan taraptyń ózi baıandaýshy retinde kórinedi. Bir top qyz Tinder dep atalatyn tanysýǵa arnalǵan áleýmettik jelide symbatty azamatpen tanysyp, aldanyp, búginde mıllıondaǵan qaryzdy tóleýge májbúr ekenin aıtyp beredi. Bir qyzyǵy, fılm rejısseri Felısıtı Morrıs týyn­dyǵa túsýge álgi «alaıaqtyń» ózin de shaqyrǵan. Alaıda Shımon Haıýt esimdi Izraıl azamaty usy­nystan bas tartqan.

«Annany oılap tabý» hıkaıasy orys qyzy Anna Sorokına týraly. О́zin baı nemis otbasynyń murageri Anna Delvı dep tanys­tyrǵan boıjetken Nıý-Iork býrjýasyn aldap soqqan. Aldaý­men qatar birneshe mıllıonyn qol­dy etken.

Odan keıin platformada «Qa­lys qalǵan» amerıkalyq se­rıa­l­dy nazarǵa usyndy. Bul da joǵaryda atalǵan týyndylar sa­rynynda. Bul platformadaǵy alaıaqtar týraly týyndylardyń jartysy ǵana. Alaıaq kásipkerden bólek alaıaq dáriger týraly da fılmdi tabýǵa bolady. Alaıda bul taqyryptyń kópke qyzyq bolýyna ne sebep? Alaıaqtar jańa janr, jańa keıipker emesi anyq. Máselen, bas keıipke shyn máninde alaıaq bolyp shyǵatyn «Uly Getsbı» kınokartınasy kıno álemindegi birqatar marapatty jeńip aldy.

Bul týyndylardan sabaq alyp ne ómirde qaıtalaımyn deý­shiler az. Kınosynshylar bar­lyq sebepti kartınanyń dınamıkasy men oqıǵa jelisiniń kórermendi «ustap otyrýynda» deıdi. Alaıaq maqsatyna jetý úshin túrli ssenarıı quryp, aıla-tásil qoldanady, ózgeniń senimine kirip, sanasyn ýlaıdy. Alaıaqtar taqyrybyn zerttep, jýrnalıstik zertteýin fılm baǵdarlamasy re­tinde usynǵan jýrnalıst Adva Dadon bul kartınalardyń tartymdy bolýyna mynadaı sebep aıtady: «Alaıaqtyń qylmys orny – onyń sheksiz oıy». Ra­sy­men, keıipkerdiń sheksiz oıy men bitpes aılasyna tánti bol­ǵan kórermen keıde alaıaqqa ish­teı rıza bolyp, keıde japa shekkenge bolysyp otyrady. Mundaı týyndynyń ish pystyrmasy anyq.

Dese de bul taqyryptyń biz­diń qoǵamǵa da jat emesine kún­delikti jańalyqtar dálel. Kún saıyn otandastarymyzdyń «aldanyp qalǵany» týraly habarlardy kózimiz shalady. Qarjy pıramıdasynyń qurbandarynyń qataryna áleýmettik jelide ta­nysqan adamyna nesıe alyp bergen, bopsalaýǵa ushyraǵan degender de qosyldy. Odan bó­lek ózderin bank qyzmetkeri re­tinde tanystyrǵanǵa qyrýar qarjysyn senip tapsyrǵandar da aramyzda tolyp júr. Sondyqtan joǵarydaǵy fılmderdiń elimiz­de de tanymal bolýy tańǵalatyn qubylys emes. Negizgi másele –
fılmnen sabaq alý. Ásirese, jas­óspirimder de qaperine alsa deımiz. О́ıtkeni áleýmettik jeli bárimizge ortaq, alaıda ony qol­da­ný maqsaty árkimde ártúrli.

Sońǵy jańalyqtar

Aqtaýda 109 jedel jelisi iske qosyldy

Aımaqtar • Búgin, 09:51

Vaksına saldyrǵandar sany artty

Koronavırýs • Búgin, 09:18

Qazaqstanda 158 adam koronavırýs juqtyrdy

Koronavırýs • Búgin, 09:03

«Aqtóbe» kósh bastady

Fýtbol • Búgin, 08:42

Vaýt van Art birinshi orynda keledi

Sport • Búgin, 08:39

Tórtinshi aınalymǵa shyqty

Tennıs • Búgin, 08:38

Jastar jasyndaı jarqyldady

Sport • Búgin, 08:35

Til máselesi talqylandy

Qazaqstan • Búgin, 08:33

Dıplomatııalyq qyzmettiń 30 belesi

Qazaqstan • Búgin, 08:13

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Uqsas jańalyqtar