«Haıme Mýngııa Jánibek Álimhanulymen sharshy alańda kezdesip, jeńiske jetken kúnniń ózinde amerıkalyq Demetrıýs Andrademen qolǵap túıistirýi múmkin ekenin túsinedi. Al sharshy alańǵa shyqpaǵan kúnde «ýaqytsha» chempıon ataǵynan aıyrylady. Ol sol sebepti qatty oılanyp júr. О́ıtkeni Demetrıýs Andrade orta salmaq dárejesine qaıta oralýy yqtımal», deıdi ol.
Iá, WBO tujyrymy boıynsha orta salmaq dárejesindegi álem chempıony ataǵynan basty úmitker Jánibek Álimhanuly men Haıme Mýngııa sharshy alańda «ýaqytsha» chempıon beldigi úshin kezdesýge tıisti. Kelissóz júrgizý úshin uıym belgilegen ýaqyttyń óte shyqqanyna da birneshe kún boldy. Endi promoýterlik satylym uıymdastyrylýy yqtımal. Áıtkenmen, meksıkalyq boksshy qazaq oǵlanyna qarsy sharshy alańǵa shyqqannan góri WBC tujyrymy boıynsha orta salmaqtaǵy álem chempıony, amerıkalyq Djermall Charlomen judyryqtasqandy jón kóretin sekildi.
Jánibek Álimhanuly chempıondyq beldik úshin kimmen de bolsa judyryqtasatynyn aıtyp, atylyp tur. Alaıda mindetti qarsylastardyń birine aınalǵan Haıme Mýngııa bul shaıqastan qalaı bas tartaryn bilmeı, muńǵa shatylyp turǵan sekildi. Eger ol Jánibekpen kezdesýden bas tartsa, qazaq boksshysymen judyryqtasýdan qashqaqtaǵan úshinshi boksshy atanady. Buǵan deıin Demetrıýs Andrade, Eskıva Falkao jekpe-jekke shyqqysy kelmegen edi.
