Parlament • 09 Naýryz, 2022

Ulttyq qaýipsizdikke qyzmet etken eki depýtat Májilisten ketti

313 ret

kórsetildi

2 mın

oqý úshin

Búgin Parlament Májilisiniń jalpy otyrysynda depýtat Faızolla Qamenov, Sergeı Reshetnıkovtiń ókilettigi merziminen buryn toqtatyldy, dep habarlaıdy Egemen.kz.

Gaýhar QAPASh

Ulttyq qaýipsizdikke qyzmet etken eki depýtat Májilisten ketti

«QR Parlamenti Májilisiniń depýtaty Faızolla Qamenuly Qamenov mindetterin atqarýdan óz erkimen bosatý týraly ótinish berdi. Osyǵan oraı Qazaqstan Respýblıkasynyń Ortalyq saılaý komıssııasy sizderdiń nazarlaryńyzǵa zańnamaǵa sáıkes F. Qamenovtiń ótinish berýine baılanysty onyń ókilettiligin merziminen buryn toqtatý týraly máseleni sheshi úshin usynym engizip otyr», dedi QR Ortalyq saılaý komıssııasynyń múshesi Shavhat О́temisov.

Sondaı-aq Májilis depýtaty Sergeı Nıkolaevıch Reshetnıkovtiń depýtattyq mandattan óz erkimen bosatý týraly ótinishi daýysqa salyndy.

«QR Parlamenti Májilisiniń depýtaty Sergeı Nıkolaevıch Reshetnıkov mindetterin atqarýdan óz erkimen bosatý týraly ótinish berdi. Osyǵan oraı Qazaqstan Respýblıkasynyń Ortalyq saılaý komıssııasy sizderdiń nazarlaryńyzǵa QR Konstıtýsııanyń 52-babyna, «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq Zańnyń 24-baby 3 jáne 8-tarmaqtaryna sáıkes, Májilis depýtaty S. Reshetnıkovtiń ótinish berýine baılanysty onyń ókilettiligin merziminen buryn toqtatý týraly máseleni sheshi úshin usynym engizip otyr», dedi QR Ortalyq saılaý komıssııasynyń múshesi Shavhat О́temisov.

Jalpy otyrysta palata depýtattary atalǵan usynymǵa daýys berip, depýtattyń ókilettigin merziminen buryn toqtatý týraly sheshim qabyldady.

Sergeı Reshetnıkov 1974 jyly 29 naýryzda týǵan. Arnaıy áskerı ataǵy bar – Qazaqstan ulttyq qaýipsizdik organdarynyń zapastaǵy podpolkovnıgi. 1999-2016 jyldar aralyǵynda UQK-niń «Arystan» bólimshesinde qyzmet etken, «Alfa-A» terrorızmge qarsy ardagerler odaǵynyń negizin qalaǵan.

Májilistiń halyqaralyq ister, qorǵanys jáne qaýipsizdik komıtetiniń múshesi boldy.

Faızolla Qamenov 1960 jyly 30 qyrkúıekte Aqmola oblysynyń Qorǵaljyn aýylynda dúnıege kelgen.

Ár jyldary ishki ister mınıstrliginiń túrli qurylymdarynda qyzmet atqarǵan, sonymen qatar UQK-de jedel jáne basshylyq qyzmetterde bolǵan.

2013-2014 jyldary Qazaqstannyń UQK «Arystan» qyzmetin basqardy.

2017-2019 jyldary «Qazaqstan Ǵarysh sapary» UK» AQ kúzet qyzmetiniń bastyǵy.

Májilistiń áleýmettik-mádenı damý komıtetiniń múshesi boldy.

Eki depýtat ta «Qazaqstan halyq partııasynyń» múshesi.