Qazaqstan Respýblıkasy Aqparat jáne qoǵamdyq damý mınıstrligi «Qoǵamdyq keńester týraly» Qazaqstan Respýblıkasynyń 2015 jylǵy 2 qarashadaǵy №383 Zańyna jáne 2021 jylǵy 26 aqpandaǵy №69 Qoǵamdyq keńes týraly úlgiliń erejege sáıkes Qoǵamdyq keńestiń jańa quramyn qalyptastyrý jónindegi jumys tobynyń múshelerin irikteý boıynsha konkýrs ótkizý týraly habarlaıdy.
Mınıstrliktiń Qoǵamdyq keńesin qalyptastyrý jónindegi jumys toby 9 músheden turady, olardyń 3-eýi mınıstrliktiń ókilderi jáne 6-y azamattar men kommersııalyq emes uıymdardyń ókilderi arasynda saılanady.
Konkýrsqa qatysýǵa nıet bildirgen azamattar, kommersııalyq emes uıymdardyń ókilderi jumys tobynyń múshelerin irikteý boıynsha konkýrs ótkizý týraly habarlandyrý ornalastyrylǵan kúnnen bastap kúntizbelik bes kún ishinde kelesi qujattardy qolma-qol beredi nemese elektrondyq mekenjaıǵa jiberedi:
1) Joǵaryda atalǵan Úlgilik erejeniń 1-qosymshasyna sáıkes nysan boıynsha kandıdatýrany jumys tobynyń quramyna usyný týraly azamattyń ótinishi;
2) kandıdatýrany (bar bolǵan kezde) jumys tobynyń múshesine usyný týraly kommersııalyq emes uıymnyń jazbasha usynysy;
3) kandıdattyń kásiptik jáne (nemese) qoǵamdyq qyzmeti týraly málimetter;
4) Qazaqstan Respýblıkasy azamatynyń jeke kýáliginiń kóshirmesi.
Sonymen birge Úkimettik emes uıymdardyń, buqaralyq aqparat quraldarynyń, memlekettik organdardyń, halyqaralyq uıymdardyń ókilderi bolyp tabylatyn, daýys berý quqyǵy joq baıqaýshylar jumys tobynyń otyrystaryna qatysýǵa jiberiledi.
Baıqaýshy bolýǵa nıet bildirgen adam joǵaryda atalǵan Úlgilik erejeniń 2-qosymshasyna sáıkes nysan boıynsha Qoǵamdyq keńesti qalyptastyrý jónindegi jumys tobynyń múshelerin irikteý boıynsha konkýrsqa baıqaýshy retinde qatysýǵa ótinishti respýblıkalyq deńgeıde memlekettik organǵa, kvazımemlekettik sektor sýbektisine nemese jergilikti deńgeıde jergilikti ókildi organǵa beredi ne elektrondyq poshtasyna jiberedi.Qoǵamdyq keńesti qalyptastyrý jónindegi jumys tobynyń múshesi Qoǵamdyq keńes músheligine saılaý úshin konkýrsqa jiberilmeıdi.
Konkýrsqa qatysý úshin qujattar kelesi mekenjaıǵa usynylady (joldanady): Nur-Sultan qalasy, Máńgilik El kóshesi,8, «Mınıstrlikter Úıi» ǵımaraty, 14 kireberis, elektrondyq poshta mekenjaıy: qogamdyqdamu@mail.ru.
Qosymsha aqparat pen anyqtamalardy: 8(7172) 74-03-56, 74-18-37 telefondary arqyly alýǵa bolady.
