Vedomstvonyń málimetinshe, Aqmola oblysy PD Esirtki qylmysyna qarsy is-qımyl basqarmasy qyzmetkerlerine Shýchınsk qalasynyń 63 jastaǵy turǵyny esirtki zattaryn satýmen aınalysatyndyǵy týraly aqparat túsken. Er adam esirtki satqany úshin buǵan deıin de isti bolǵan.
«Anyqtalǵandaı, er adam páter jaldap, onda óziniń «esirtki dúkenin» ashqan. Páterdi tintý kezinde jalpy salmaǵy 16 keliden asatyn keptirilgen marıhýana esirtki zaty salynǵan qap, eki polıetılen paket jáne 353 gazet túıinshegi tabyldy. Sondaı-aq turǵylyqty jeri boıynsha júrgizilgen tintý barysynda 300 myń teńge jáne 1200 AQSh dollary somasyndaǵy aqsha tárkilendi», - dedi Aqmola oblysy PD Esirtki qylmysyna qarsy is-qımyl basqarmasynyń bastyǵy Meıram Japbasov.
Qazirgi kezde kúdiktige qatysty Qylmystyq kodekstiń 297-baby 3 bóligi «asa iri mólsherde esirtki zattaryn zańsyz ótkizý» boıynsha sotqa deıingi tergeý amaldary júrgizilýde. Er adam ýaqytsha ustaý oqshaýlaǵyshyna qamaldy.
