Memleket basshysy jyldyń basty qujatynda qasiretti qańtar oqıǵasyndaǵy máselelerge de jan-jaqty toqtaldy. Ol óz sózinde el tutastyǵyn saqtaý jolynda jasalyp jatqan jumystardy joqqa shyǵarýǵa umtylǵan joǵary laýazymdaǵy azamattardyń satqyndyǵy janyna batqanyn da atap ótti. Sondaı-aq el damýynda saıası jańǵyrý bolýy kerektigin tiline tıek etti.
«Halyqqa qajetti reformalardy júzege asyrý – meniń memleket basshysy retindegi basty mindetim. Saıası jańǵyrý bolmasa, elimizdi ornyqty damytý, aýqymdy áleýmettik-ekonomıkalyq ózgeris jasaý múmkin emes. Bul – anyq nárse», dedi Prezıdent.
