BUU damý baǵdarlamsy osylaı dep dabyl qaǵýda. Sebebi áskerı qımyldardan Ýkraına sońǵy 20 jylda qol jetkizgen ekonomıkalyq jetistikterinen aıyrylyp, ekonomıkasy kúıreýi múmkin. Agenttik apattyń aldyn alý úshin Kıevpen birigip áreket etip jatqanyn aıtady. Mysaly, turǵyndar úılerin tastap bospas úshin azyq-túlik pen turmysqa qajetti zattardy satyp alýǵa qarjy bólýdi qarastyryp jatyr.
«Eger Ýkraınada qarýly qaqtyǵys uzaqqa sozylatyn bolsa, elde kedeıshilik kúrt ósedi. Qarýly qaqtyǵysqa deıin Ýkraına halqynyń 2 paıyzy kedeıshilik jaǵdaıynda, ıaǵnı kúnine 5,50 dollarǵa ómir súrip kelgen. Baıandamada kórsetilgen sandar shynymen qatty alańdatady. Biz qarýly qaqtyǵystyń apatty saldaryn qazirdiń ózinde kórip otyrmyz. Mysaly, Ýkraınada kásiporyndardyń 50 paıyzy tolyqtaı toqtap, qalǵany túrli jaǵdaıda jumys istep jatyr», dedi BUU damý baǵdarlamasynyń ákimgeri Ahım Shtaıner.
Ýkraınaǵa ózge de halyqaralyq uıymdar jan-jaqty qoldaý kórsetip jatyr.
Halyqaralyq Qyzyl krest komıteti Vengrııadan shyqqan gýmanıtarlyq júk kerýeni Ýkraınanyń Rýmynııamen shekarasyna jetkenin málimdedi. Qazir Qyzyl krest qorshaýǵa alynǵan Sýmy qalasynan 30 avtobýspen beıbit turǵyndardy evakýsııalaýǵa kúsh salyp jatyr.
