Áńgime barysynda qos eldiń Prezıdentteri saýda-ekonomıkalyq jáne mádenı-gýmanıtarlyq yntymaqtastyqty nyǵaıtýǵa jáne óńirlik kooperasııany keńeıtýge mán bere otyryp, Qazaqstan men О́zbekstan arasyndaǵy strategııalyq seriktestikti damytýdyń perspektıvalaryn talqylady.
Áńgimelesý barysynda Shavkat Mırzııoevtiń Qazaqstanǵa jasaǵan memlekettik sapary aıasynda qol jetkizilgen ýaǵdalastyqtardy tıimdi iske asyrýǵa, sondaı-aq syrtqy ekonomıkalyq ahýaldyń keri áserin azaıtýǵa baǵyttalǵan kúsh-jigerdi tyǵyz úılestirýge basa mán berildi.
Áńgime sońynda Prezıdentter bir-birin Naýryz merekesimen quttyqtady.
