Aımaqtar • 16 Naýryz, 2022

Almatyda Naýryz merekesi qalaı toılanady

139 ret kórsetildi

Almatyda Naýryz merekesi aıasynda qalanyń barlyq aýdandarynda 80-nen astam túrli is-sharalar ótkiziledi dep josparlanýda. Mereke kúnderi shahar turǵyndary men qonaqtary otandyq ártisterdiń konsertteri, ulttyq jarystar, teatr qoıylymdary men shoýlarǵa qatysa alady, dep habarlaıdy Egemen.kz.

Negizgi is-sharalar 21 naýryzda saǵat 11.00-den 17.00-ge deıin Panfılov, Jibek joly jáne Tóle bı kóshelerinde ótedi, onda 50-den astam ShSP-der, sáýlet nysandary men qondyrǵylar ornatylady. Jaıaý júrginshiler kóshelerinde stıldendirilgen kıiz úıler tigilip, qolónershilerdiń jármeńkesi, meıramhanalar alleıasy, sýretshilerdiń kórmeleri men balalar aımaqtary uıymdastyrylady.

Panfılov pen Qarasaı batyr kóshesindegi shaǵyn sahnada saǵat 11.00-17.00 aralyǵynda konserttik baǵdarlamamen P.Chaıkovskıı atyndaǵy Almaty mýzykalyq kolledjiniń stýdentteri, balalar shyǵarmashylyq ujymdary, dıdjeıler men ınteraktıvter, Dıana Sharapova mektebi jáne Murat Muturǵanov óz ónerlerin kórsetedi.

Jibek joly kóshesindegi sahnada saǵat 11.00-17.00 aralyǵynda «Almaty áýenderi», «Boztorǵaı» Halyqaralyq balalar festıvali konserttik baǵdarlamasyn usynsa, dıdjeıler men ınteraktıvter jáne shyǵarmashyl jastar óz ónerlerin kórsetedi.

«Alataý» dástúrli óner teatrynyń aldyndaǵy alańda saǵat 12.00-den 17.00-ge deıin konserttik baǵdarlama, ulttyq dástúrler kórsetilimi uıymdastyrylady, saǵat 16.00-de keshki konsert bastalady.

Negizgi konsert 21 naýryz kúni saǵat 12.00-de QBTÝ ǵımaraty aldyndaǵy «Astana» alańynda ótedi. Kórermenderge qazaq mádenıetiniń ózindik ereksheligin kórsetetin barabandar, daýylpazdar men qobyzdardy qoldana otyryp teatrlandyrylǵan shoý usynylady.

Atalǵan is-shara úshin arnaıy zamanaýı óńdeýde mýzykalyq etno-folklorlyq kompozısııa jazyldy. Merekelik konsertke barlyǵy 500-den astam ártis qatysady. Sonymen qatar, sahnada 100-den astam adam óner kórsetedi.

Qoıylymda Álibek Dinishev, Roza Rymbaeva, Jamılıa Serkebaeva, Rýhııa Baıdúkenova, Tamara Asar, Parvız Nazarov, Sıtora, Dılnaz Ahmadıeva, Dıana Sharapova, DınaIа, Ardaq Balajanova, Aıgúl Elshibaeva, Aıgúl Qosanova, Erlan Rysqalı, Erbolat Chaldybekov, Ardaq Balajanova, Álı Oqapov, «KeshYou», «Blokbaster» shoý-baleti, dombyrashylar ansambli, «Saltanat» bı ansambli, «Saryn» toby, «Filigram» shekti aspaptar kvarteti jáne t.b. qatysady.

Teatr qoıylymdarymen qatar retro motıvter, sondaı-aq zamanaýı kompozısııalar usynylady. «Boztorǵaı» balalar hory Naýryz meıramyna arnaıy jazylǵan qazaq jáne orys tilderinde «Beıbitshilik búkil álemde» («Mır vsem mıre») ánin oryndaıdy.

Al 21-22 naýryzda Ǵylym Akademııasy ǵımaratynyń aldyndaǵy alańda «Qazaq áýenderi» AQ Nur-Sultan qalasynyń ártisteriniń qatysýymen konserttik baǵdarlama uıymdastyrady.

Sonymen qatar, merekelik konsertter qalanyń ár aýdanynda ótedi:

  • Almaly aýdanynda 22 naýryz kúni saǵat 12.00 – 17.00 aralyǵynda M. Gandı atyndaǵy parkte;
  • Áýezov aýdanynda 21 naýryzda saǵat 11.00-15.00 aralyǵynda Áýezov aýdany ákimdiginiń aldyndaǵy alańda;
  • Alataý aýdanynda 22 naýryzda saǵat 11.00-14.00 aralyǵynda «Alataý» DО́T aldyndaǵy alańda;
  • Bostandyq aýdanynda 21 naýryz kúni saǵat 11.00-13.00 aralyǵynda «MEGA Center» SOO amfıteatrynda;
  • Jetisý aýdanynda 21 naýryz kúni saǵat 11.00-14.00 aralyǵynda «Gúlder» saıabaǵynda;
  • Medeý aýdanynda «Ulystyń uly kúni – Naýryz» baǵdarlamasy 20 naýryz kúni saǵat 11.00-15.00 aralyǵynda QR Ǵylym akademııasynyń aldyndaǵy alańda;
  • Túrksib aýdanynda – «Kóktem shaqyrady» baǵdarlamasy 20 naýryz kúni saǵat 12.00-15.00 aralyǵynda S. Seıfýllın atyndaǵy parkte;
  • Naýryzbaı aýdanynda 21 naýryzda saǵat 11.00-15.00 aralyǵynda Abaı dańǵylynda (Alataý kóshesinen Taraz kóshesine deıin).

Aıta ketsek, mereke kezinde barynsha qaýipsizdikti jáne qoǵamdyq tártipti saqtaýdy qamtamasyz etý boıynsha kúsheıtilgen rejım qabyldanatyn bolady.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar