«Prezıdentimiz Joldaýda elimizdiń saıası júıesin keshendi jańǵyrtý baǵdarlamasyn usyndy. Soǵan sáıkes kóptegen mańyzdy saıası reformalar men tyń bastamalar týraly sóz boldy. Sonyń ishinde Parlamenttiń rólin kúsheıtý kerektigi de aıtyldy. Mundaı qadam jańarý men jańǵyrý jolynda Parlamentke úlken mindet pen jaýapkershilik júkteıdi. Soǵan baılanysty Memleket basshysy Senat pen Májilistiń jumysy men qurylymyna qatysty reformalarǵa toqtaldy. Endi Senattaǵy prezıdenttik kvotanyń sany 15-ten 10-ǵa deıin qysqarady», dedi Máýlen Áshimbaev Senattyń jalpy otyrysynda.
Osy oraıda ol óńirlerdiń múddesi eń basty basymdyqtardyń biri bolyp qala beretinin aıtty.
«Prezıdentimizdiń sheshimimen óńirlerdiń sany kóbeıetin boldy. Iаǵnı, bizdiń jumysymyzdyń aıasy keńeıedi. Sondyqtan aldaǵy ýaqytta osy baǵyttaǵy maqsat-mindetimiz burynǵydan da arta túsedi. Shyn máninde, Abaı, Ulytaý, Jetisý oblystarynyń qurylýy bizdiń ult retinde ósýimizdiń jarqyn kórinisi. Sonymen birge Qazaqstan halqy Assambleıasynyń kvotasy Májilisten Senatqa beriledi. Bul sheshim qoǵamdyq kelisim men yntymaqtastyqty nyǵaıtý turǵysynan bizdiń áleýetimizdi arttyratyny sózsiz», dedi Senat tóraǵasy.
