Elorda • 17 Naýryz, 2022

Nur-Sultanda soltústik-batys aınalma joly jabylady

23 ret kórsetildi

Nur-Sultan qalasynyń Soltústik-Batys aınalma jolynyń 1,4 shaqyrymynan bastap 6 shaqyrymyna deıingi ýchaskesi jabylady, dep habarlaıdy Egemen.kz.



«QazAvtoJol» UK» AQ Aqmola oblysy fılıalynyń aqparatyna sáıkes, respýblıkalyq mańyzy bar R-10 Nur-Sultan qalasynyń Soltústik-Batys aınalma jolynyń 4 shaqyrymyndaǵy apatty jaǵdaıǵa baılanysty atalmysh joldyń 1,4 shaqyrymynan bastap 6 shaqyrymyna deıingi telimi 25 naýryzdan 15 tamyzǵa deıin kúrdeli jóndeý jumystaryn júrgizý úshin jabylmaq.

«Osy oraıda Nur-Sultan qalasy, Aqmola oblysy turǵyndary men qonaqtaryna, sondaı aq barlyq tranzıttik júrgizýshilerge balama joldyń baryn eskertemiz. Jeńil kólik ıeleri qala ishimen, ıaǵnı Lesozavod eldimekeni arqyly júre alady, al júk kólik ıeleri úshin Shyǵys aınalma joly bar» dep eskertedi kompanııadan.

Týyndaǵan barlyq suraq boıynsha táýlik boıy jumys jasaıtyn 1403 koll ortalyǵyna qońyraý shalýǵa bolady.



 

Sońǵy jańalyqtar

Uqsas jańalyqtar