«Otbasy bank» baspanaǵa jeteleıdi

Respýblıka boıynsha 74 myńnan astam qazaqstandyq zeınetaqy qoryn­da­ǵy jetkiliktilik sheginen asatyn qara­jatpen «Otbasy banktegi» («Báı­te­rek» hol­dınginiń enshiles uıymy) depo­zıt­te­rin jalpy somasy 129 mlrd teńgege to­lyq­tyr­ǵan. Kún saıyn bir myńǵa jýyq adam birjolǵy zeınetaqy tólemderin bank­tegi jınaq shottaryna aýdarady, on­da­­ǵy ortasha soma 1,7 mln teńge.

О́tken jyldyń 16 jeltoqsanynda tur­ǵyn úı jaǵdaıyn jaqsartý maqsatynda bir­jolǵy zeınetaqy tólemderin (BZT) paıdalaný qaǵıdalaryna engizilgen ózgerister kúshine engennen keıin, qazaqstandyqtar úshin «Otbasy banktegi» depozıtti to­lyq­tyrý múmkindigi qoljetimdi boldy. Ony jetkiliktilik sheginen asatyn zeı­net­aq­y jınaqtary alǵashqy jarna retinde qol­da­nýǵa jáne turǵyn úıdi tolyq satyp alýǵa jetkiliksiz bolyp turǵan azamattar qol­dandy.

«Otbasy banktegi» depozıtterin to­lyq­tyra otyryp, qazaqstandyqtar bola­shaq bas­panasyna qajetti qarajatty jı­naı alady. О́ıtkeni bul qarajatqa tur­ǵyn úı qurylys jınaq júıesiniń bar­lyq standartty sharttary tıesili bolady. Iаǵnı BZT qosylǵan shottarǵa jyl saıyn 2% bank syıaqysy men 200 AEK-ten aspaıtyn jınaq somasyna 20% mem­lekettik syılyqaqy beriledi. Al­ǵash­­qy jarna jınalǵannan keıin bul de­po­zıttiń kómegimen bankten 3,5%-dan 8,5%-ǵa deıingi mólsherlememen nesıe alýǵa bolady.

Enpf-otbasy.kz platformasynyń iske qosylǵanyna jyldan asty. Osy ýaqyt aralyǵynda 623 myńǵa jýyq qazaqstandyq jalpy somasy 2,3 trln teńge bolatyn birjolǵy zeınetaqy tólemderin turǵyn úı jaǵdaıyn jaqsartý men emdelýge jumsaǵan. Bul lektiń alǵashqy qatarynda BZT-in tikeleı satyp alýǵa jumsaǵandar tur. Olardyń sany – 238 myń. Ekinshi orynda – zeınetaqy qoryndaǵy artyq qara­jatty emdelýge jumsaǵandar. Bul maqsatty 149 myńnan astam azamat tań­daǵan. Úshinshi orynda – «Otbasy bank­tegi» depozıtterin tolyqtyrǵan qazaq­stan­dyqtar tur. Olar jalpy kólemi 129 mlrd teńgeden astam somany jınaq shottaryna aýdarǵan. Tórtinshi orynda – nesıe boıynsha qaryzdy ótegender tur, bul opsııany 73 myńnan astam bank klıenti qoldanǵan eken.

Birjolǵy zeınetaqy tólemin «Otbasy bank» depozıtine aýdarý – bolashaq bas­pa­nasyna qarajat jınap júrgen jas­­tar úshin – jaqsy múmkindik. Qazir bank­tegi jınaq shottaryn jetkiliktilik she­gi­nen asatyn zeınetaqy jınaqtarymen tolyq­tyr­ǵandardyń 30,4 paıyzy 35 jasqa de­ıin­gi jastar bolyp otyr.

«Otbasy banktegi» BZT qosylǵan de­po­zıt kómegimen úsh jyl ishinde bir bank­tik qaryz sharty boıynsha baspana alý úshin turǵyn úı, aralyq nemese aldyn ala zaem alýǵa, sonyń ishinde jón­deý jumystaryn júrgizýge bolady. Sondaı-aq «Otbasy bankte» nesıeni qaıta qar­jy­landyrýǵa jáne jeke turǵyn úı qury­ly­syn júrgizýge (sonyń ishinde jeke turǵyn úı qurylysy nemese jeke qosalqy sharýashylyq sııaqty nysanaly maqsaty bar jer telimin satyp alýdy qosa alǵanda) paıdalanýǵa bolady.

Osy jyldyń 5 naýryzynan bastap BJZQ salymshysy sheshimin ózgertken jaǵ­daıda, «Otbasy banktegi» depozıtti jap­paı, BZT zeınetaqy qoryna qaıtadan qaı­tarý múmkindigi týyp otyr. Buryn bul salymdy toqtatý shartymen ǵana júzege asyrylatyn. Azamattardyń ótinishi bo­ıyn­sha «Otbasy bank» bul prosesti aıtar­lyq­taı ońtaılandyrdy.

Bıylǵy jyldyń 1 sáýirinen bastap zeınetaqy jınaqtarynyń jetkiliktilik shegi kóteriledi. «Respýblıkalyq bıýdjet týraly» zańǵa sáıkes, eń tómengi jalaqy, zeı­netaqy, kúnkóris deńgeıi sekildi bir­qa­tar áleýmettik kórsetkishtegi ózge­ris­terge baılanysty, Úkimet belgilegen ádistemege saı, zeınetaqy jınaqtarynyń jańa jet­ki­liktilik shegi belgilenedi. Al BZT-in bu­ryn­ǵy shekti mánderge sáıkes paıdalaný úshin qazaqstandyqtar 2022 jyldyń 28-29 naý­ryzyna deıin enpf-otbasy.kz platformasy arqyly ótinish berýleri qajet.

BZT «Otbasy banktegi» arnaıy shotqa túsken kúnnen bastap salymshyǵa tańdaǵan maq­sa­tyn rastap, qajetti qujattardy tirkep úlgerý úshin 20 jumys kúni beriledi. Ony enpf-otbasy.kz portalyndaǵy jeke kabı­nette jasaýǵa bolady. Turǵyn úı jaǵ­da­ıyn jaqsartý boıynsha – 15, emdelý bo­ıynsha 7 maqsat bar. Olardyń árqaı­sy­sy boıynsha qajetti qujattar tizimi portalda jarııalanǵan.

Brıfıngte «Otbasy bank» AQ Qy­zyl­orda fılıalynyń dırektory Ádiljan Sáýlebaev oblysta zeınetaqy qo­ryn­­daǵy qajetti mólsherden artyq somaǵa baspana alǵan nemese jınaq qara­ja­tyn toltyrǵan turǵyndar kóbeıgenin de aıtyp ótti. Jalpy, elimiz boıynsha jetkiliktilik mól­she­rinen asqan somany paıdalaný boıynsha Mańǵystaý oblysy, Nur-Sultan jáne Almaty qalalary alda tur.

Al Qyzylorda oblysy boıynsha zeı­net­aqy tólemderindegi artyq somany 21 myńnan asa turǵyn paıdalanǵan. Olardyń kóbi baspana satyp alǵan, sondaı-aq qordan alǵan aqshasyn nesıesin óteýge, em-domǵa jumsaǵandar da bar.

Zeınetaqy qoryndaǵy artylǵan somany turǵyn úı jaǵdaıyn jaqsartý maqsa­tyn­da paıdalaný boıynsha óńirde 1436 adam «Otbasy banktegi» qaryzyn ishina­ra nemese tolyq ótegen. Bankten ıpo­tekamen úı alǵandar sany – 647 adam. Buǵan qosa, 7 734 turǵyn bankten nesıe al­maı-aq, qordaǵy artyq aqshasyna baspana satyp alǵan.

Jetkiliktilik sheginen asatyn somany jer telimin satyp alý arqyly jeke turǵyn úı qurylysyna jumsaıtyndar az bolyp tur.

– Bul, birinshiden, qurylys materıal­da­rynyń qymbattaýyna baılanysty, – deıdi «Otbasy banktiń» Qyzylorda ob­lys­­­tyq fılıalynyń dırektory Ádiljan Sáýlebaev. – Onyń ústine pande­mııa ke­zin­de jeke úı qurylysy biraz ki­dirip qaldy. Osy­ǵan oraı bank klıent­te­riniń kópshiligi artyq aqshany depozıtke jınaý­dy durys kórip otyr. Bul qarjyny 3 jyl kó­le­min­de turǵyn úı jaǵdaıyn jaqsartý­ǵa paıdalanýǵa bolady.

Sonymen qyzylordalyq 21 myńnan astam turǵyn zeınetaqy qoryndaǵy jet­ki­­lik­tilik mólsherinen asqan 47 mıl­lıar­d­­tan astam qarajatyn ıgiligine paı­da­­lan­­ǵan.

Qyzylorda sońǵy jyldary qurylysy qarqyndy damyǵan óńirler qatarynan kórinip júr. Jyl saıyn oblys ortalyǵy men aýdandardan túrli memlekettik baǵ­darlamalar men kásipkerlerdiń óz qara­jat­tary esebinen kópqabatty úıler salynyp, myńdaǵan adam kópten kútken baspanalaryna qol jetkizip keledi. Bul ıgilikti iste «Otbasy banktiń» de úlken úlesi baryn aıta ketýimiz kerek. Osy jyly oblys orta­lyǵyndaǵy «SPMK-70» shaǵyn aýdanynda paıdalanýǵa beriletin 640 páterlik 13 turǵyn úıge jergilikti turǵyndar «Ot­ba­sy banktiń» nesıelendirýiniń arqasynda qol jetkizbek.

Brıfıngte BJZQ Qyzylorda oblys­tyq fılıaly dırektorynyń orynbasary Almas Sársenbaev Memleket basshy­sy­nyń zeınetaqy jınaqtarynyń shekti mejesin kóterýdi keıinge shegerý týraly sheshimi myńdaǵan azamatarǵa úlken qol­daý bolǵanyn aıtyp, artylǵan somany paıdalaný týraly ótinim joldaý tártibi, BZT-niń arnaıy shotta saqtalý merzimi týraly baıandady. Osy ýaqytqa deıin qorǵa ke­lip túsken keıbir ótinimderdiń keri qaı­ta­rylǵanyn da jetkizdi. Onyń sebebi ár­túrli. Birinde suratylǵan soma asyp ket­ken, ótinimder birneshe ret jiberilgen derekter de bar. Tipti keı azamattar qorda jeke zeınetaqy shoty bolmasa da ótinim bergen.

Syr óńirinde 15 aı kóleminde 29 600 ótinim qabyldanyp, sonyń ishinde 22 334 ótinimge sáıkes 54 mlrd teńgeden astam qarajat jiberildi. Qor ókili múm­kin­di­gin­she 31 naýryzǵa deıin kelip túsken ótinim­der­ge sáıkes jetkilikti shegi boıynsha qara­­jat aýdarylatynyn aıtty.

So­nymen qatar BJZQ oblystyq fılıa­­lyna kelgen salymshylardyń jet­ki­lik­tilik shegi jaıly usynys-pikir­le­ri jı­naq­talyp, tıisti oryndarǵa joldanyp otyr.

QYZYLORDA