Jasyl jelekke oranǵan óńir

Memleket basshysy Qasym-Jomart Toqaev elimizdi jasyldandyrý isine erekshe kóńil bólip, 2 mlrd túp aǵashyn otyrǵyzýdy tapsyrǵan bolatyn. Prezıdent tapsyrmasyna sáıkes, elimizde jyl sa­ıyn mıllıondaǵan túp aǵash otyr­ǵyzylýda. Onyń ishinde 140 mln túp aǵash 2025 jyl­ǵa deıin Jambyl oblysynyń memlekettik orman qoryna egilýi tıis eken. Al aımaqtaǵy mem­lekettik orman qorynyń jalpy kóle­mi 4 427 034 gektar bolsa, onyń 2 357 123 gektar jerine aǵashtar egilgen. Aldaǵy ýaqytta da bul jumys jalǵasady. Qa­zir­gi kezde Prezıdent tapsyrmasyn oryndaý maqsatynda Jam­byl óńirinde keshendi jos­par bekitilgen. Oblys boıynsha ár kók­tem saıyn myńdaǵan túp aǵash otyrǵyzylady. Bul bas­ta­ma aımaqtaǵy ekologııalyq ta­za­lyqty saqtaýǵa eleýli úles qo­syp keledi. «Keshendi josparǵa sáıkes, ótken jyly oblystyń memlekettik orman qoryndaǵy 7 300 gektar alqapqa 10,6 mln túp aǵash otyrǵyzyldy. Byltyr jalpy kúzgi sanaq qorytyndysy boıynsha 18 myń gektar aýmaq orman kómkerilgen jerler kategorııasyna aýystyryldy. Al bıyl 13 290 gektar jerge 24,6 mln túp aǵash otyrǵyzý josparlanǵan», deıdi oblystyq tabıǵı resýrs­tar jáne tabıǵat paıdalanýdy retteý basqarmasy basshysynyń orynbasary Aıbar Ádilbaqov. Qazirgi kóktem mezgilinde bul jumystar bastalyp ta ketken.

Qorshaǵan ortany qorǵaý sol qoǵam músheleriniń mindeti. Osy oraıda, óńirde jastar arasynda ekologııalyq mádenıetti qalyptastyrý maqsatynda da keshendi jumystar júrgizilýde. Bul jumystar da óńirdiń jasyl jelekpen kómkerilýine aıtarlyqtaı úles qosady. Sonyń biri  – Taraz qalasy men aı­maq­tyń barlyq aýdandarynda ótken «Taza parkter» jastar eko­logııalyq aksııasy. Atalǵan aksııaǵa aımaqtaǵy belsendi jas­tar atsalysyp, óńirdi jasyldandyrý jumysyna úles qosqan. Sondaı-aq oblystyq jastar saıa­saty máseleleri basqarmasynyń uıytqy bolýymen ótken Álemdi ózgert úzdik jobalar baıqaýyn da atap ótken durys. Atalǵan basqarmanyń basshysy Serikbol Berikqojanyń aıtýynsha, Taraz qalalyq jáne aýdandyq jastar resýrstyq ortalyqtary tarapynan qorshaǵan ortany qorǵaý, ózender men ormandardy tazalaý jáne aǵashtar otyrǵyzý maq­satynda «Ekologııalyq má­denıet» baǵyty aıasynda 13 558 adamdy qamtyǵan is-sharalar ótken. Bul rette oblystyq bilim basqarmasy da «Tabıǵat jáne biz» eko­chel­lendji men «Tabıǵatty qorǵaý – bolashaqty oılaý» ekoaksııasyn uıymdastyryp, oqýshylardy da jasyldandyrý jumystaryna tartqan. Jalpy, jambyldyq jastar búginde bul jumysta belsendilik tanytýda. «Jastar arasynda tabıǵatty qorǵaý taqyryptarynda tımbıldıng pen «Jasyl aýla» aǵash otyrǵyzý aksııalary ótti. Al Taraz qalasy men barlyq aýdandardaǵy ekologııalyq tirek mektepterinde jastarǵa eko­lo­gııalyq bilim men tárbıe berý baǵytynda «EkoMektep» jobasy júıeli jumys júrgizdi. Oblystyq jastar saıasaty máse­­leleri basqarmasynyń uıym­­dastyrýymen jastar ara­­­­synda ekologııalyq máde­nıet­­ti nyǵaıtý maqsatynda «TazaLike» atty 20 senbilik pen 15 mádenı-kópshilik is-shara uıym­dastyryldy. Sonymen qatar «Qazaqstan jastarynyń frak­sııasy» qoǵamdyq qorynyń uıymdastyrýymen «Jasyl aýla» atty aǵash otyrǵyzýdan aksııa ótip, 20 erikti men jer­gilikti turǵyndardyń atsalysýymen oblys ortalyǵyndaǵy 15-shaǵynaýdanda 300 kóshet otyrǵyzyldy. Bul jumystar jalǵasa beredi», deıdi basqarma basshysy Serikbol Berikqoja.

Kóktem kelip, kún jylynǵan sátte óńirde aǵash otyrǵyzý jumystary tipti jandana tústi. M.H.Dýlatı atyndaǵy Taraz óńirlik ýnıversıtetiniń jas­tar isi jónindegi komıtetiniń uıymdastyrýymen jastar arasynda ekologııalyq mádenıetti qalyptastyrý maqsatynda Green garden kógaldandyrý jáne «Taza­Like» senbilikter ótkizý jobalary qolǵa alynǵan. Atalǵan jobalarǵa 200-den asa erikti jas­tar atsalysyp, qo­ǵamdyq ju­mystarǵa tartylyp otyr.  Son­daı-aq «TazaLike» jobasy aıasynda Taraz qalasynyń aýmaǵynda 30-dan asa senbilik ótip, Green garden jobasy bo­ıynsha 100-den asa jemis taly egilgen.

Jambyl oblysy