Bilim • 24 Naýryz, 2022

Bilim mınıstrligi Almaty ákimdigine qosymsha ókilettik beredi

38 ret kórsetildi

Bilim jáne ǵylym mınıstri Ashat Aımaǵambetov Almaty ákimdigine beriletin qosymsha ókilettikter týraly pikir bildirdi, dep habarlaıdy Egemen.kz.

«Jýyrda Memleket basshysy Almaty qalasynyń mańyzdy nysanynyń biri – Oqýshylar saraıynda boldy. Prezıdent balalarmen áńgimelesip, onda jasalǵan jaǵdaımen jáne saraıdaǵy jańǵyrtý jumystarynyń nátıjesimen tanysty. Almatyda qosymsha bilim berýdi damytý jumystary jaqsy jolǵa qoıylǵanyn atap ótkim keledi.

Atap aıtqanda:

- Qoldanystaǵy Oqýshylar saraıyn tolyqtaı jańǵyrtyp qana qoımaı, sonymen birge zamanaýı eki ınnovasııalyq shyǵarmashylyq ortalyǵy paıdalanýǵa beriledi. - Kelesi jyly eski ǵımarattardy buzyp, 3 oqýshylar úıiniń qurylysyn salý josparlanyp otyr. Qazirgi kúni jobalaý jumystary bastalyp ketti.

- Mektepterdiń sport alańdaryn qaıta jańǵyrtý jumystary júrgizilýde.

- Jas týrıster men natýralıster (tabıǵattanýshy) stansııalary jańartylady.

- Memlekettik bilim berý, shyǵarmashylyq jáne sporttyq tapsyrystar ornalastyrylýda. Jalpy, qazirgi tańda Almaty qalasy ákimdiginde basqa óńirlermen salystyrǵanda bilim salasyn damytýda barynsha birtutas jáne dáıekti saıasat júrgizilip jatqanyn moıyndaý kerek», dep jazdy mınıstr Facebook paraqshasynda.

Sol sebepti qala basshylyǵynyń salany damytý ustanymyn, megapolıstiń qolda bar qarjylyq múmkindikteri men kadrlyq áleýetin eskere otyryp, mınıstrlik Almaty qalasynyń ákimdigine bilim berý salasynda qosymsha ókilettikter berý týraly sheshim qabyldaǵan.

«Mınıstrliktiń normatıvtik aktilerde arnaıy sharttar men quzyretterdi qarastyramyz. Sonymen qatar qalanyń bilim berý uıymdary bizdiń negizgi ınnovasııalyq alańdarymyzǵa aınalady. О́z tarapynan ákimdik barlyq jańa bastamany qarjylaı jáne uıymdastyrýshylyq jaǵynan qoldaýǵa mindetteme alady. Al mınıstrlik barlyq jarııalanǵan mindettemeniń oryndalýyn baqylaýda ustaıdy», dep atap ótti Ashat Aımaǵambetov.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar