Altyn men kúmiske salynǵan qarjy ınvestısııany ınflıasııa men valıýtalyq táýekelden saqtap qana qoımaıdy, sonymen qatar básekege qabiletti kiristi de qamtamasyz ete alady. Altyn men kúmis qunynyń teńgedegi dınamıkasynan kórinip turǵandaı, QUB-tyń ólshemeli altyn quımalary men ınvestısııalyq monetalaryna ınvestısııa salý – uzaq merzimdi perspektıvada joǵary tabysty kórsetedi. 2000 jyldan 2022 jylǵa deıingi aralyqta altyn baǵasynyń ortasha jyldyq ósý qarqyny 18% bolsa, kúmis baǵasy úshin bul kórsetkish – 15,1%.
.jpg)
«QUB-tyń ınvestısııalyq quraldaryndaǵy artyqshylyqtardyń biri –onyń naryqtaǵy ótimdiligi, ol ólshemeli quımalar men ınvestısııalyq monetalardy keri satyp alýǵa ótkizý múmkindigimen qamtamasyz etiledi. Eger altyn quımalar zaqymdanbaǵan tutas qaptamamen keri satyp alýǵa ótkizilse, altyn quımanyń ıesi olar úshin ótkizgen kúni tólem alady. QUB-tyń ólshemeli quımalary men ınvestısııalyq monetalary satý boıynsha alynatyn qosylǵan qun salyǵynan bosatylǵan, bul da satyp alýshylarǵa úlken artyqshylyq beredi», delingen Ulttyq bank taratqan aqparatta.
.jpg)
Sonymen qatar jaqyn arada QUB-tyń ınternet-dúkeni arqyly ınvestısııalyq monetalarǵa aldyn ala tapsyrys berýge múmkindik týady. Ondaı jaǵdaıda satyp alýshylar ózderine yńǵaıly ýaqytta monetalardy alyp kete alatyn QUB fılıalyn tańdaı alady. Tańdalǵan fılıalda monetalar bolmasa, olar fılıalǵa QUB esebinen jetkiziledi. Monetalardy daıyndaý men logıstıkany eskergende jetkizýdiń ortasha ýaqyty 4-6 aptany quraıdy.
Monetalar fılıalǵa kelip túskennen keıin satyp alýshylar QUB fılıalyna barý kúni men ýaqytyn belgileý týraly habarlama alady. Aldyn ala tapsyrys berý kezinde monetalar úshin tólem júrgizilmeıdi. Monetalardyń quny QUB fılıalynda satyp alynǵan kúndegi baǵaly metaldyń teńgedegi qunyna baılanysty anyqtalady.
