Mazmundy is-sharanyń maqsaty − mádenıetaralyq jáne dinaralyq dıalogty nyǵaıtý, Álemdik jáne dástúrli dinder lıderleri seziniń ıdeıalaryn, toleranttylyq qaǵıdattaryn, sondaı-aq qoǵamdaǵy rýhanı jáne moraldyq-adamgershilik qundylyqtardy ilgeriletý.
Kórmege Ý.Ismaılov, G.Jurqabaeva, E.Aıtýarov, M.Baıtenov, T.Batanov, B.Arıpov, I.Achılov, D.Nóger, S.Ermekov, J.Qaırat, A.Syrǵabaev, Á.Baıdına, S.Ysqaqbek, N.Qaben, J.Súleımenova, N.Kıkımova, A.Qadyrbaeva, M.Baıshýaqova, V.Lı, M.Baqytjan, A.Alpysbaeva, L.Aıtýarova sekildi jalpaq elge tanymal qylqalam sheberleriniń jumystary qoıyldy.
Sýretshiler týyndylarynda ártúrli halyqtardyń ómirin, turmysyn, mádenıetin, ónerin, salt-dástúrin, tabıǵattyń ásemdigi men ulylyǵyn, jańarýdy, birlik pen berekeni beıneleıtin kóktem merekesi − Naýryzdyń bastalýyn boıaý syrymen kórkem jetkizgen.
Is-sharaǵa Ortalyqtyń basqarma tóraǵasy B.Sársenbaev, QMDB tóraǵasynyń orynbasary, naıb múftı E.Ońǵarov, Ýspen kafedraldy soborynyń, Qazaqstan Pravoslavıe shirkeýiniń Astana shirkeý okrýginiń protoıereıi D.Baıdek, Nur-Sultandaǵy áýlıe Marııanyń Rım-Katolık Arhıeparhııasynyń arhıepıskopy T.Peta, sondaı-aq О́zbekstannyń, Tájikstannyń, Túrkııanyń, Ázerbaıjannyń, Qyrǵyzstannyń jáne Grýzııanyń Qazaqstandaǵy shetel dıplomatııalyq ókildikteriniń qyzmetkerleri qatysty.
Basqarma tóraǵasy Bolat Sársenbaev qonaqtardy Naýryz merekesimen quttyqtap, bir alańda túrli konfessııalar men etnos ókilderin biriktire otyryp, biz ortaq kúsh-jigerimizben qazaqstandyq qoǵamdastyqta beıbitshilik, kelisim jáne yntymaqtastyq ıdeıalaryn nyǵaıtýǵa úles qosa alatynymyzdy atap ótti. Sonymen qatar B. Sársenbaev elordalyq Sýretshiler odaǵymen birlesip, taıaýda Álemdik jáne dástúrli dinder kóshbasshylarynyń VII sezine balalar arasynda toleranttylyqqa, beıbitshilik pen kelisimge degen olardyń kózqarasy taqyrybynda baıqaý jarııalanatynyn aıtty.
