«Qazirgi ýaqytta alıment tólemeıtinderdi ákimshilik jaýapkershilikke tartý úshin hattama jasaý qajet. Jeke sot oryndaýshysynyń mundaı quqyǵy joq. Ol úshin boryshkerdi ádilet organdaryna jetkizý kerek, onda ádilet organdarynyń laýazymdy adamy tıisti ákimshilik hattama jasaıdy. Bul rette, boryshker ádilet organdaryna barýǵa nıet bildirmese, onda ony kúshpen tek polısııa ǵana apara alady», dedi Qanat Mýsın.
Onyń aıtýynsha, mundaı mehanızmniń birqatar kemshilikteri bar.
«Adamdy jaýapkershilikke tartý úshin kóp ýaqyt jumsaý kerek bolatyn mehanızm paıda bolady. Eger zańdy túrde jeke sot oryndaýshysynyń ózine ákimshilik hattama jasaý quqyǵy paıda bolsa, bul quqyq buzýshylardyń sanyn edáýir azaıtyp, olardy tezirek jazalaýǵa yqpal etedi. Biz qazir atqarýshylyq is júrgizý týraly jańa zańnyń tujyrymdamasyn ázirleýdemiz. Bul máseleni sheshýdiń tıimdi quraldarynyń biri bolǵandyqtan, sot oryndaýshysynyń dál osyndaı ókilettiligin belgileımiz», dep atap ótti mınıstr.
«Jalpy, biz oblys ákimdikterimen memorandým jasastyq, Bos oryndar jármeńkesi turaqty túrde ótkizilip turady, onda jumys orny joq boryshkerlerdiń kelýin qamtamasyz etýge tyrysamyz. О́tken jyly biz alıment boıynsha 2,5 myńnan astam boryshkerdi jumysqa ornalastyrdyq», dep qosty Q.Mýsın.
