Bul týraly QR Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Shahmardan Baımanov málim etti.
Onyń aıtýynsha, jýyqta ǵana Government for zhastar ǵylymı-zertteý ortalyǵynyń janynan jastardyń máselelerimen aınalysatyn alań qurylǵan. Osy alańda qazaqstandyq jastardyń baspana máselesin talqylaý josparlanyp otyr.
«Nur-Sultan, Almaty, Shymkent qalalarynda jumys istep júrgen jastarǵa arendalyq baspana beriletinin bilesizder. Bul baǵdarlama 2021 jylǵa deıin josparlanǵan. Atalǵan óńirlerde bul baǵdarlamany 2025 jylǵa deıin uzartý týraly sheshim qabyldandy», dedi ol Prezıdent Joldaýyn talqylaýǵa arnalǵan analıtıkalyq dýskýrs barysynda.
Onyń sózine qaraǵanda, ózge óńirlerde de osyǵan uqsas baǵdarlamany iske qosý josparlanyp otyr.
«2022 jyldan bastap ózge óńirlerde de osyǵan uqsas baǵdarlamalar iske qosylady. Qazirdiń ózinde 3-4 óńir nıet bildirip otyr», dedi Shahmardan Baımanov.
