Infografıkany jasaǵan Amangeldi Qııas, «EQ»
Joldaý, onda qamtylǵan mindetter qoǵam qajettiligi men suranysyna baılanysty negizdelgenin erekshe atap ótkim keledi. Baǵdarlamanyń birinshi baǵytynda Prezıdent ókilettigin qysqarta otyryp, ókildik bılik tarmaǵyn, ıaǵnı Parlament rólin nyǵaıtý joldary jan-jaqty taldanyp, naqty kórsetildi.
Saılaý júıesin jetildirý – azamattardyń memlekettiń basqarý isindegi rólin arttyrýǵa baǵyttalǵandyǵy týraly da baıandaldy. Majorıtarlyq saılaý arqyly árbir azamat Parlament, máslıhat depýtattyǵyna saılana alady.
Parasatty halqy bar elimiz – qýatty memlekettiń negizi degen qaǵıdany usynǵan Prezıdent keshendi reformanyń erekshelikteri men baǵyttaryna jeke-jeke toqtaldy.
Halqymyzdy aýyzbirshilik pen aqyl-sabyrǵa shaqyryp, bizdiń negizgi maqsatymyz – Jańa Qazaqstan qurý ekenin atap kórsetti. Ol óz tarapynan memleket pen qoǵamnyń ózara senimine jáne qurmetine negizdelgen jańa saıası mádenıetti qalyptastyratynyna senim bildirý degen tujyrym jasady.
Joldaý elimizdiń áleýmettik ádilettilik, básekege qabiletti basymdyqtarǵa negizdelgen, damýdyń jańa qaǵıdattary jónindegi is-qımyldyń keshendi strategııasyn belgiledi.
Onda kóppartııalyqty, saıası básekelestikti, oı-pikirdiń san-alýandylyǵyn damytýǵa yqpal etetin aýqymdy mindetter qoıyldy. Saıası partııalar sany kóbeıetini sózsiz. Sebebi jańa partııa qurý úshin, tirkeý sany 20 myńnan 5 myńǵa deıin azaıtyldy.
Ulttyq quryltaı, Joǵarǵy aýdıtorlyq palata, Konstıtýsııalyq sottyń qurylýy jáne jańa úsh oblystyń ashylýy, halyqtyń qajettiligin tez arada sheshetin «Halyq únine qulaq asatyn memleket» tujyrymdamasyn damytýǵa baǵyttalǵan saıası reformalardyń jalǵasy bolyp sanalady.
Reformalardy júzege asyrý barysynda Konstıtýsııanyń 30-dan astam babyna, 7 konstıtýsııalyq zańǵa jáne 15-ten asa zańǵa ózgeris engizý kózdelip otyr.
Memleket basshysynyń bastamalaryn tolyq qoldaı otyryp, Joldaýdaǵy mindetterdi oryndaý úshin jumylýǵa jáne halqy myqty, qýatty, gúldengen Jańa Qazaqstandy birge qurýǵa shaqyramyz. Jańa Qazaqstandy birge quraıyq!
Sultanbek MÁKEJANOV,
Senat depýtaty
