Arnaıy qurylǵan jedel tergeý toby bes aıdan beri qylmystyq toptyń uıymdastyrýshysy men múshelerine qatysty jedel tekseris júrgizgen. QR IIM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıevtiń aıtýynsha, qylmystyq toptyń qyzmeti naqty jolǵa qoıylǵan.
Toptyń uıymdastyrýshysy - Qyzylorda oblysynyń turǵyny. Ol Shymkent-Atyraý baǵytyndaǵy avtobýstar arqyly marıhýana jetkizýmen aınalysqan. Toptyń basqa músheleri onyń nusqaýlaryn oryndap, taýardy qarsy alyp, belgili bir jerde saqtaǵan. Sodan keıin meken jaılarǵa taratyp, esirtkini satýdan túsken aqshany jınap, kartaǵa aýdaryp otyrǵan.
Bul áreketten túsken tabys alty mıllıon teńgeden asqan. Al top músheleri - Qyzylorda, Qaraǵandy jáne Atyraý oblystarynyń týmalary.
Osy derekke qatysty QR QK-niń 262-baby «Uıymdasqan top, qylmystyq uıym qurý jáne oǵan basshylyq etý, sol sııaqty olarǵa qatysý» boıynsha sotaldy tergeý bastaldy. Toptyń uıymdastyrýshylary men qatysýshylarynyń múlki tárkilenip, 12 jylǵa deıin bas bostandyǵynan aıyrylýy múmkin.
