«Prezıdenttiń Úkimet aldyna qoıǵan mindetterin iske asyrý jáne respýblıkalyq bıýdjettiń teńgerimdiligin qamtamasyz etý úshin 2022 jylǵa bekitilgen Ulttyq qordan kepildendirilgen transfert mólsherin 4 trln 030 mlrd teńgege nemese 1 trln 630 mlrd teńgege deıin ulǵaıtyp, túzetý usynylady», dedi QR Ulttyq ekonomıka mınıstri Álibek Qýantyrov.
Onyń aıtýynsha, osylaısha túzetilgen makroekonomıkalyq boljam negizinde bıýdjet kiristeri boıynsha boljam naqtylandy.
«Respýblıkalyq bıýdjettiń kiristeri transfertterdi esepke almaǵanda 2022 jyly 10 trln 162 mlrd teńge kóleminde baǵalanady, bul bekitilgen jospardan 955 mlrd teńgege joǵary. Munaıǵa arnalǵan EKB boıynsha negizgi ósim 597 mlrd teńgege, munaıǵa boljamdy baǵanyń ósýi, teńge baǵamynyń AQSh dollaryna jáne korporatıvtik tabys salyǵyna ózgerýi aıasynda baj mólsherlemesiniń artýy esebinen, makroekonomıkalyq kórsetkishterdiń ulǵaıýy esebinen 343 mlrd teńgege kútiledi», dedi Álibek Qýantyrov.
Sonymen qatar ol 2022 jyly bıýdjet tapshylyǵyn 2 trln 978 mlrd teńge nemese ótken jyly paıdalanylmaǵan transfertterdi qaıtarýdy eskere otyryp, JIО́-niń 3,3% deńgeıinde anyqtaý usynylǵanyn naqtylady.
«Osyny eskere otyryp, Respýblıkalyq bıýdjettiń shyǵystaryn túzetilgen kólemge qatysty 2,7 trln teńgege ulǵaıta otyryp, 18 795 mlrd teńge kóleminde aıqyndaý usynylady», dedi mınıstr.
Jalpy, UEM basshysy ulttyq valıýta baǵamyn jáne munaı baǵasyn arttyrý jaǵyna qaraı qaıta qaraý Ulttyq qordyń parametrlerine oń áser etkenin atap ótti.
«Munaı sektorynan túsetin túsimder kólemi 4 833 mlrd teńgege deıin nemese 1 431 mlrd teńgege ulǵaıýmen boljanýda. Kepildendirilgen transfertterdiń qosymsha kólemin eskere otyryp, Ulttyq qorǵa túsetin taza túsimder 245 mlrd teńgeni quraıdy. Qosymsha alyp qoıýlarǵa qaramastan, Ulttyq qordyń nysanaly kórsetkishteri fıskaldyq shekteýler sheginde saqtalady. Qorda tómendetilmeıtin qaldyq bekitilgen boljamnan 0,8 paıyzdyq tarmaqqa (JIО́-ge 31%) ulǵaıýmen JIО́-ge 31,9% deńgeıinde boljanady. Valıýtalyq aktıvter 55,9 mlrd AQSh dollary deńgeıinde baǵalanady», dep naqtylady QR Ulttyq ekonomıka mınıstri.
