«Naýryz aıynyń 29-y kúni 71 jastaǵy er adam Qazaqstan Respýblıkasy azamaty bola tura, Reseı Federasııasy azamattyǵyn alyp, zańnamada belgilengen merzim ishinde shetel azamattyǵyn alǵanyn habarlamaǵan. Er adamnyń atyna QR ÁQBtK 496-babynyń 2-bóligi boıynsha ákimshilik materıal jasaldy. Sot materıaldy qarap, shetel azamatyn el shekarasynan shyǵarý jóninde sheshim qabyldady», dedi Sharbaqty aýdany polısııa bóliminiń bastyǵy Ermek Áljanov.
Aıta keteıik, QR ÁQBtK 496-babynyń 2-bóligine sáıkes el azamaty sheteldik azamattyqty alý týraly faktini Qazaqstan zańnamasynda belgilengen merzimde habarlamasa 200 AEK mólsherinde aıyppul tóleıdi nemese Qazaqstan Respýblıkasy shekarasynan shyǵarylady.
