Qazaqstannyń Malaızııadaǵy elshiligi uıymdastyrǵan «Kazakhstan – the Land of Great Opportunities» vebınary aıasynda «Malaysia Semiconductor Industry Association» (MSIA) ónerkásip qaýymdastyǵynyń qoldaýymen «KAZAKH INVEST» UK» AQ sheteldik kásipkerlerge Qazaqstannyń ınvestısııalyq múmkindikterin tanystyrdy.
Onlaın-kezdesýge Qazaqstan Respýblıkasynyń Malaızııadaǵy elshisi Bolat Súgirbaev, «KAZAKH INVEST» UK» AQ, AHQO jáne SDIAО́M ókilderi, sondaı-aq AKT, elektronıka jáne jartylaı ótkizgish ónerkásip salalarynda jumys isteıtin malaızııalyq kompanııalardyń basshylary qatysty.
Bolat Súgirbaev óz sózinde eki eldiń saýda-ekonomıkalyq jáne ınvestısııalyq salalardaǵy ózara tıimdi yntymaqtastyǵyn damytýdyń zor áleýetin atap ótti. Elshi bıznes ókilderine Qazaqstan sheteldik ınvestorlarǵa jańa múmkindikter beretinin jáne ózara tıimdi yntymaqtastyq úshin ashyq ekenin habarlady.
«KAZAKH INVEST» UK» AQ ókili Dıana Ablıakımova óz kezeginde Ulttyq kompanııanyń Malaızııalyq bıznes-toptarmen yntymaqtastyqtaǵy múddeliligi jáne bastamalaýdan bastap paıdalanýǵa berý satysyna deıingi ınvestısııalyq jobalardy iske asyrýǵa qoldaý kórsetýge daıyn ekendigi týraly habarlady.
Búgingi tańda sheteldik ınvestorlar Qazaqstannyń basym sektorlaryndaǵy múmkindikterge joǵary qyzyǵýshylyq tanytýda. Bul eldiń strategııalyq mańyzdy ornalasqan jerine, bıznesti júrgizý úshin qolaıly ortaǵa, ınvestorlardyń quqyqtaryn qorǵaýǵa, sondaı-aq memlekettik qoldaý sharalaryna baılanysty bolyp otyr. Dıana Ablıakımova atap ótkendeı, Eýrazııa júreginde ornalasqan Qazaqstan iri álemdik naryqtardy biriktirip qana qoımaı, baı mıneraldy-shıkizat bazasy men qolaıly iskerlik klımatqa ıe.
Vebınar barysynda malaızııalyq kompanııalar Almatyda ornalasqan «Innovasııalyq tehnologııalar parki» AEA memlekettik qoldaý sharalaryna, sondaı-aq «Astana» halyqaralyq qarjy ortalyǵy usynatyn múmkindikterge qyzyǵýshylyq tanytty.
Is-shara qorytyndysy boıynsha kompanııa ókilderiniń Qazaqstanǵa saparyn uıymdastyrý týraly ýaǵdalasty.
