«Ishki ister mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip osy jyldyń 1 sáýirinen bastap jeke kýáliktiń nemese júrgizýshi kýáliginiń qoldanylý merziminiń aıaqtalýy týraly azamattardy uıaly telefon nómirine SMS-habarlama arqyly aldyn ala habardar etý tetigi iske asyryldy», dep jazylǵan habarlamada.
Mundaı jańashyldyqty engizý eń aldymen azamattardyń jeke basyn kýálandyratyn qujattardyń qoldanylý merziminiń aıaqtalýyna baılanysty ákimshilik quqyqbuzýshylyqtardyń aldyn alýǵa, sondaı-aq áleýmettik-ekonomıkalyq turǵydan osal azamattarǵa qosymsha qarjylyq júktemeni azaıtýǵa baǵyttalǵan (ákimshilik jaýapkershilikke tartýdy boldyrmaý maqsatynda).
«Búgingi kúni jaramsyz jeke kýálik boıynsha 10 kúnnen 1 aıǵa deıin turǵany úshin eskertý túrinde ákimshilik jaýapkershilik, 1 aıdan astam ýaqytqa 7 aılyq eseptik kórsetkish nemese 21 441 teńge mólsherinde aıyppul qarastyrylǵan (Qazaqstan Respýblıkasy Ákimshilik quqyq buzýshylyq týraly kodeksiniń 492-baby).
Qoldanylý merziminiń aıaqtalýyna baılanysty aı saıyn jeke kýálikterdi aýystyrý úshin 77 myńǵa deıin azamat, osy sebeppen júrgizýshi kýálikterin aýystyrý úshin 35 myńǵa jýyq azamat júginedi. О́tken jyldyń ózinde júrgizýshi kýálikteriniń merzimi aıaqtalǵanyna baılanysty kýálikterdi aýystyrý úshin 915 myń adam jáne 400 myńnan astam azamat júgingen», - delingen vedomstvo habarlamasynda.
