Shámsha Berkimbaeva 1942 jylǵy 10 qazanda Almaty oblysynyń Qaskeleń aýdanynda dúnıege kelgen.
1966 jyly Qazaq memlekettik qyzdar pedagogıkalyq ınstıtýtynyń Fılologııa fakýltetin bitirgen.
Eńbek jolyn 1966 jyly Almaty oblysyndaǵy Kırov atyndaǵy segiz jyldyq mekteptiń orys tili men ádebıeti pániniń muǵalimdiginen bastaǵan.
1968-1970 jyldary Almaty kooperatıv tehnıkýmynyń komsomol komıtetiniń hatshysy, 1970-1971 jyldary Almaty oblystyq komsomol komıtetiniń bólim basshysy, 1971-1977 jyldary Qaskeleń aýdandyq komsomol komıtetiniń birinshi hatshysy, Almaty oblystyq komsomol komıtetiniń birinshi hatshysy, 1977-1987 jyldary Almaty qalasy Sovet aýdandyq partııa komıtetiniń birinshi hatshysy, Almaty oblystyq partııa komıtetiniń hatshysy qyzmetterin atqardy. Qaıratker-ǵalym 1987-1989 jyldary Almaty qalasyndaǵy №12 orta mektebiniń dırektory, 1989-1997 jyldary QR Bilim mınıstrliginiń orynbasary, 1997-1998 jyldary Qyrǵyz Respýblıkasyndaǵy Qazaqstan Respýblıkasynń elshiliginiń birinshi hatshysy boldy.
1998-1999 jyldary Almaty oblystyq oqý bóliminiń bastyǵy, 1999-2000 jyldary QR Parlamenti senatynyń depýtaty. 2002-2003 jyldary QR Ǵylym jáne bilim mınıstri bolyp taǵaıyndaldy. 2003 jyldyń maýsym aıynan 2011 jyldyń tamyz aıyna deıin Qazaq memlekettik qyzdar pedagogıka ınstıtýtynyń rektory boldy.
Shámsha Berkimbaeva – Halyqaralyq pedagogıkalyq Bilim akademııasynyń akademıgi, «QR bilim berý isiniń qurmetti qyzmetkeri», «QR ǵylymyn damytýǵa sińirgen eńbegi úshin» belgileriniń ıegeri.
