Jalpy 2022 jyldyń alǵashqy toqsanynda oblysta 6058 adam jumysqa ornalastyrylypty. Budan bólek óńirdiń jumyspen qamtý qyzmetine atalǵan merzim ishinde 7136 turǵyn júgingen.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ásem Júnispekova kásipkerlikti damytýdyń 2021-2025 jyldarǵa arnalǵan ulttyq jobasy aıasynda 6058 adamnyń jumyspen qamtylǵanyn aıtady. Onyń ishinde 3,3 myń úmitker bos oryndarǵa joldama alǵan.
– Atap aıtqanda, «áleýmettik jumys oryndaryna – 294, qoǵamdyq jumystarǵa 2310 adam ornalastyryldy. Jastardyń óndiristik tájirıbeden ótý múmkindigin óńirdiń 118 turǵyny paıdalandy. «Urpaqtar kelisimsharty» jobasy boıynsha eki jas maman sheberligin arttyra aldy. «Birinshi jumys orny» jobasy aıasynda 20 adam jumyspen qamtyldy. Bul baǵdarlamany 29 jastan aspaǵan jastar paıdalana alady. Mysaly olardyń qatarynda jumys tájirıbesi joq túlekter, jumyspen qamtý ortalyǵynda tirkelgen-tirkelmegenine qaramastan jumyssyz dep tanylǵan jastar, sonyń ishinde NEET sanatyndaǵylar bar, – dep atap ótti Á.Júnispekova.
О́ńirdegi «Urpaqtar kelisimsharty» atty joba zeınetkerlik jasqa tolsa da eńbek etip júrgen jumyskerdi keıinnen aýystyra otyryp, jas mamandardy jumysqa ornalastyrýǵa baǵyttalǵan.
Sonymen qatar bıylǵy qańtar aıynan bastap Memleket basshysy Qasym-Jomart Toqaevtyń tapsyrmasy boıynsha «Jastar praktıkasy» jáne «Alǵashqy jumys orny» jobalaryna qatysý uzaqtyǵy men eńbekaqy mólsheri ulǵaıtyldy. Naqtyraq aıtsaq «Jastar tájirıbesi» alty aıdan bir jylǵa deıin sozylady. Olardyń eńbekaqsy shamamen 30 AEK (91 890 teńge) mólsherinde bolady. Al «Birinshi jumys orny» jobasy aıasynda 12 aıdan 18 aıǵa deıin jumysqa ornalasýǵa kepildik berilgen jastar da aıyna joǵarydaǵy soma kólemindegi jalaqymen qamtamasyz etilmek.
Zeınetkerlik jasqa jaqyndaǵan jumyssyz adamdarǵa arnalǵan «Kúmis jas» jańa jobasyn bıyl 534 adam paıdalana alady. Bulardyń eńbekaqysy memleket tarapynan jyl boıy sýbsıdııalanatyn bolady. Aı saıynǵy sýbsıdııa mólsheri – belgilengen jalaqynyń 50 paıyzyna teń. Iаǵnı salyqtardy, mindetti áleýmettik aýdarymdardy, paıdalanylmaǵan eńbek demalysy men banktik qyzmetter úshin ótemaqylardy eskere kele «Kúmis jas» jobasyn paıdalanýshylar 30 AEK kóleminde jalaqy alatyn bolady.
Ásem Júnispekova jańa jobany iske asyrý respýblıkalyq bıýdjetten qarjylandyrýǵa baılanysty bastalatynyn jetkizdi.
– Búginde jumys berýshiler men zeınetkerlik jasqa jaqyndaǵan tulǵalardy tartý boıynsha jumystar júrgizilýde. Jumyssyzdardy jumyspen qamtýǵa járdemdesýdiń belsendi sharalary jáne ózin-ózi jumyspen qamtyǵandardyń kásipkerlik belsendiligin arttyrý týraly aqparattandyrý úshin óńirde jyljymaly mobıldi jumysqa ornalastyrý pýnktteri jumys isteıdi, – dep málimdedi ol.
